Daho yoki iqtidorli inson bo‘lish ko‘p jihatdan qo‘l keladi. Bunday hollarda kamida kam kuch sarflab va jismoniy mehnat qilmasdan o‘qishda (talaba sifatida) yoki ishda (xodim sifatida) muvaffaqiyatga erishish mumkin.
“Hayvonlar sayyorasi”
“Hayvonlar sayyorasi”da “tosh-qaychi-qog‘oz” o‘yinining noodatiy versiyasi tasvirlangan. Har bir o‘yinchi 12 ta karta oladi va ularni o‘yinda yulduz yutish yoki yo‘qotish uchun ishlatishi kerak. Filmning bosh qahramoni — Chjen Kaysi ajoyib tahliliy qobiliyatga ega va murakkab strategiyalar ishlab chiqadi. G‘alabaga yaqinlashganida esa kutilmagan hodisalar uning yo‘lini to‘sadi. Filmda bosh qahramonning fikrlash jarayonlari ajoyib aks ettirilgan.
“Matilda”
Film syujetining asosida Matilda ismli qizaloqning hikoyasi yotadi. U qattiqqo‘l oilada yashaydi. Matilda maktabga borishni juda xohlaydi, lekin ota-onasi bunga qarshi. Natijada u Kranchem Xoll boshlang‘ich maktabiga borishga majbur bo‘ladi. Maktab direktori miss Tranchbul paydo bo‘lgach, Matildaning maktabdagi hayoti qo‘rqinchli sinovlarga to‘ladi. Filmning eng qiziqarli voqealaridan biri — Matilda o‘zining noodatiy qobiliyatini miss Tranchbulni maktabdan haydash uchun ishlatganidir.
“Kichkintoy Teyt”
Yolg‘izlikda daho bolani tarbiyalash oson emas — “Kichkintoy Teyt” filmi aynan shu mavzuda. Filmda bolaning normal hayot kechirishiga to‘sqinlik qiluvchi tashqi omillarga alohida e’tibor qaratilgan. Didining o‘g‘li Freddi g‘oyat zakovatli bo‘lib, jamiyatdan qisman ajralib qoladi. U iste’dodli bolalar uchun mo‘ljallangan maktabda o‘qiydi, tanlovlarda qatnashadi va hatto kvant fizikasini o‘rganishni boshlaydi.
“O‘yin tanlovi”
“O‘yin tanlovi” filmi haqiqiy shaxmat dahosi Josh Vaytskin haqida hikoya qiladi. Josh 1993 va 1994-yillarda AQShda o‘smirlar o‘rtasidagi shaxmat chempionatida g‘olib bo‘lgan. Film otasi Fred Vaytskin yozgan shu nomli kitob asosida suratga olingan.
Josh shaxmatga yoshligida qiziqadi, u shunchalik iste’dodli ediki, yetti yoshidayoq professional maydonga chiqadi, bu esa uning ruhiy salomatligiga katta ta’sir qiladi. Filmda Joshning ikki xil o‘yin uslubi ko‘rsatilgan: biri — xavfli va tezkor, u xiyobonlarda o‘ynaydigan o‘yinchilardan; ikkinchisi esa — tartibli va qoidalarga mos, shaxmat o‘qituvchisidan o‘rgangan uslubi.
Filmda yana ko‘plab qiziqarli tafsilotlar, taqqoslar va o‘xshatishlar bor. Ularni yaxshiroq tushunish uchun albatta filmni tomosha qilish kerak.
“Zakovatli Uill Hanting”
Filmda Mett Deymon Uill Hanting rolini ijro etadi. U shunday murakkab matematik tenglamalarni yecha oladi, hatto eng taniqli olimlar ham bunga qodir emas. Ammo Uill yuksak intellektiga qaramay, o‘jar va tarbiyasiz, bu esa iste’dodini yo‘qotishiga olib keladi.
Film markazida Uillning xulqi va uning yorqin kelajagi turadi. Shu bilan birga, uning o‘tmishidagi qiyinchiliklari ochib beriladi, bu esa uning diydasini qotirgan va uni yana qayta jarohat olishdan qo‘rqib, hammani o‘zidan uzoqlashtirishga majbur qilgan.
Uillning hayotida muhim rol o‘ynagan ikki shaxs bor: biri professor, u Uillning intellektual salohiyatini to‘liq ochib, uni muvaffaqiyatga yetaklashga harakat qiladi. Ikkinchisi psixoterapevt bo‘lib, u Uillga hissiy tiklanishda yordam beradi.
“Piyodani qurbon qilish”
Agar “O‘yin tanlovi” filmida Bobbi Fisher faqat ikkinchi darajali rol o‘ynagan bo‘lsa, “Piyodani qurbon qilish”da voqea aynan Bobbi Fisher haqida.
Filmda Bobbi Fisherning (Tobi Maguayr) shaxmat o‘ynashni qanday boshlagani va o‘z davrining eng buyuk shaxmatchilariga qarshi kurashdagi muvaffaqiyatlari hikoya qilinadi.
Filmda bir nechta mavzular, jumladan, Sovuq urush va SSSRning professional shaxmatdagi ustunligi birlashtirilgan bo‘lsa-da, Fisherning hayoti katta o‘rinni egallaydi va tomoshabinlarga tarixdagi eng iste’dodli shaxmatchilardan birining hayoti ochib beriladi.
“Stiven Hoking koinoti”
Ko‘pchilik mashhur nazariyotchi fizik Stiven Hoking nomini eshitgan, u fan rivojiga ulkan hissa qo‘shgan zamonaviy Eynshteyn sanaladi.
Sog‘lig‘ining yomonlashuviga qaramay, Xoking barcha qiyinchiliklarni yengib o‘tib, butun dunyo bo‘ylab millionlab odamlarni ilhomlantirdi. U “Vaqtning qisqa tarix” nomli bestseller kitob muallifi sifatida ham tanilgan.
Mazkur film uning birinchi rafiqasi Jeyn tomonidan yozilgan “Cheksizlikka sayohat: Stiven bilan o‘tgan hayotim” kitobi asosida ekranlashtirilgan. Film Hokingning hayotini yoritib beradi.
Garchi filmda Hokingning ilmiy ishlari ham yoritilgan bo‘lsa-da, asosiy e’tibor Stiven va Jeynning sevgi hikoyasiga qaratilgan. Bu hikoya bir vaqtning o‘zida ham romantik, ham yurakni ezadigan darajada ta’sirli.
Izoh (0)