La Liga. “Real” Asensioning yagona goli evaziga g‘alabani ilib ketdi

Futbol bo‘yicha Ispaniya La Ligasining 34-turida “Real” va “Xetafe” jamoalari 13-may, shanba kuni o‘zaro to‘qnash keldi.

Uchrashuvning birinchi bo‘limida hisob ochilmadi. Ikkinchi bo‘limda esa madridliklar vaziyatdan unumli foydalanib, gol urdi. 70-daqiqada Vaskesning uzatmasini Marko Asensio golga aylantirdi. Ushbu gol o‘yin yakuniga qadar yagonaligini saqlab qoldi va “qaymoqranglilar”ga g‘alaba keltirdi. 

Ushbu g‘alabadan so‘ng Karlo Anchelotti shogirdlari ochkolarini 71 taga yetkazdi va birinchi o‘rindagi “Barselona” bilan oradagi farqni qisqartirdi. 

La Liga

34-tur bahsi

13-may, shanba

“Real” – “Xetafe” 1:0

Gol: 1:0 – 70 Asensio.

“Real Madrid”: Kurtua, Nacho, Militao, Mendi (Kroos, 46), Sebalyos (Mariano Dias, 61), Tchuameni, Kamavinga (Odriosola, 84), Vaskes, Valverde (Modrich, 61), Azar (Vinisius Junior, 61), Asensio.

“Xetafe”: Soriya, Iglesias, Mitrovich, Alderete, Alvares (Amavi, 84), Jene, Maksimovich, Alenya (Seoane, 74), Portu (Munir, 65), Mata (Anxileri, 66), Mayoral (Algobiya, 65).

Ogohlantirishlar: Mata (28), Kamavinga (41), Alderete (60), Iglesias (83), Seoane (90).