Futbol bo‘yicha Ispaniya Superkubogining yarim finalida “Real” va “Atletiko” jamoalari 10-yanvar, chorshanba kuni bahs olib bordi.
Uchrashuvning 7-daqiqasida “matraschilar” futbolchisi Mario Ermoso hisobni ochdi. 20-daqiqada Antonio Ryudiger hisobni tenglashtirdi. 29-daqiqada esa Ferlan Mendi ajoyib gol urib, “qaymoqranglilar”ni hisobda oldinga olib chiqdi. 37-daqiqada Antuan Grizmann muvozanatni tikladi.
Ikkinchi bo‘limda ham jamoalar hujumkor o‘yin namoyish etdi. 78-daqiqaga kelib, muxlislar yana bir gol ko‘rdi. Ryudiger bu safar o‘z darvozasini ishg‘ol qilib qo‘ydi. 85-daqiqada esa qirollik klubining ketma-ket hujumlaridan so‘ng Dani Karvaxal o‘yindagi oltinchi golga mualliflik qildi.
Asosiy bo‘limlarda durang natija qayd etilgach, jamoalar qo‘shimcha bo‘limlarga murojaat qildi.
Qo‘shimcha bo‘limlarda ham ikkala klub dramatik o‘yin namoyish etdi. 116-daqiqada Stefan Savich avtogol muallifiga aylangan bo‘lsa, o‘yin yakunida Braim Dias bo‘sh qolgan darvozaga to‘pni yo‘naltirib, jamoasining ishonchli g‘alabasini ta’minladi.
Shu tariqa 5:3 hisobida g‘alaba qozongan Karlo Anchelotti jamoasi finalga yo‘l oldi. Ikkinchi yarim finalda “Barselona” va “Osasuna” o‘zaro kurash olib boradi.
Ispaniya Superkubogi
Yarim final bahsi
10-yanvar, chorshanba
“Real” — “Atletiko” 5:3
Gollar: 0:1 – 6 Ermoso, 1:1 – 20 Ryudiger, 2:1 – 29 Mendi, 2:2 – 37 Grizmann, 2:3 – 78 Ryudiger (avtogol), 3:3 – 85 Karvaxal, 4:3 – 116 Savich (avtogol), 5:3 – 120 Braim Dias.
“Real Madrid”: Arrisabalaga, Karvaxal, Nacho, Ryudiger, Mendi (Kamavinga, 81), Modrich (Kroos, 67), Valverde (Gyuler, 112), Tchuameni (Braim Dias, 81), Bellinghem, Vinisius Junior (Xoselu, 105), Rodrigo (Sebalyos, 105).
“Atletiko”: Oblak, Savich, Ximenes, Ermoso, Lyorente (Aspilikueta, 105), Koke (Galan, 104), Saul (Molina, 67), De Pol (Vitsel, 90), Grizmann, Morata (Korrea, 90), Lino (Rikelme, 67).
Ogohlantirish: Braim Dias (120).
Izoh (0)