Futbol bo‘yicha Ispaniya La Ligasining 11-turida “Barselona” va “Real” 28-oktyabr, shanba kuni o‘zaro bahs olib bordi.
Uchrashuv tezkor gol bilan boshlandi. 6-daqiqada Ilkay Gundo‘g‘an himoyachilarning qo‘pol xatosidan unumli foydalanib, Kepa darvozasini ishg‘ol qildi. Birinchi bo‘lim kataloniyaliklar foydasiga hal bo‘ldi.
Ikkinchi bo‘limda Karlo Anchelotti jamoasi faollikni oshirdi. 68-daqiqada Jud Bellinghem ajoyib zarba bilan gol urib, muvozanatni tikladi. Hakam qo‘shib bergan daqiqalarda Jud yana bir bor gol urib, madridliklarning g‘alabasini ta’minladi.
La Liga
11-tur bahsi
28-oktyabr, shanba
“Barselona” – “Real” 1:2
Gollar: 1:0 – 6 Gundo‘g‘an, 1:1 – 68 Bellinghem, 1:2 – 90 Bellinghem.
“Barselona”: ter Stegen, Joau Kanselu (Yamal, 77), Martines, Kristensen, Arauxo, Balde, Gundo‘g‘an, Gavi, Lopes (Romeu, 72), Joau Feliks (Rafinya, 77), Ferran Torres (Levandovski, 61).
“Real Madrid”: Arrisabalaga, Karvaxal, Alaba, Ryudiger, Mendi (Kamavinga, 52), Kroos (Modrich, 63), Valverde, Tchuameni, Bellinghem, Vinisius Junior (Vaskes, 90), Rodrigo (Xoselu, 63).
Ogohlantirishlar: Lopes (17), Ferran Torres (45), Karvaxal (61).
Izoh (0)