Madridning “Real” klubi bosh murabbiyi Karlo Anchelotti “Madrid” hujumchisi Kilian Mbappe Italiyaning “Atalanta” jamoasi bilan UEFA Superkubogi bahsida ishtirok etishga tayyorligini aytdi.
Uchrashuv bugun, 14-avgust kuni bo‘lib o‘tadi. O'yin Varshavadagi (Polsha) “Milliy” stadionida bo‘lib o‘tadi.
“Bizda tayyorgarlik ko‘rish uchun yetarlicha vaqt bo‘lmadi, lekin biz ajoyib formadamiz. Kilian Mbappe Madridga yaxshi holatda yetib keldi va darhol moslashdi. Kilian ham hamma kabi o‘ynashga tayyor. U kelgan paytdanoq chinakam zo‘r fazilatlarni namoyon etdi”, deya Anchelotti so‘zlarini keltiradi UEFA rasmiy sayti.
Ma’lumot uchun, 3-iyun kuni Mbappe rasman “Real Madrid” futbolchisiga aylandi. Shundan so‘ng OAVda fransiyalik hujumchining maoshi yiliga 30 million yevro bo‘lishi, bundan tashqari urilgan gollar uchun bonuslar ham bo‘lishi haqida ma’lumot paydo bo‘ldi.
Mbappening shartnomasida 1 milliard yevro tovon puli ham bor. Ya’ni futbolchi shuncha pulga to‘lab shartnomani bekor qilishi mumkin.
Izoh (0)