“Real Madrid” bosh murabbiyi Karlo Anchelotti “qirollik klubi” bilan shartnomani 2023-yil dekabrida qanday uzaytirgani haqida so‘zladi. Bu haqda El Chiringuito xabar beradi.
Madrid klubi va Anchelotti o‘rtasidagi yangi shartnoma 2026-yilning yoziga qadar amal qiladi.
"Men Xose Anxeldan (“Real Madrid” bosh direktori): “Yangi murabbiy topdingizmi?” deb so‘radim. U menga javob berdi: “Hali emas, biz ba’zi nomzodlarni ko‘rib chiqmoqdamiz”, dedi. Men unga: “Siz “Real Madrid” uchun eng yaxshi mutaxassis bilan shartnoma imzolashingiz kerak”, dedim. Keyin u so‘radi: “Kim eng zo‘ri?” Keyin men unga: “2014-yilda nima bo‘lganini unutdingizmi?”, dedim. Shunaqa hazil bilan hamma narsa hal bo‘ldi”, — deya Anchelotti so‘zlarini keltiradi El Chiringuito.
Ispaniya Primerasi yakuniga ko‘ra, “Real Madrid” 36-marta milliy chempionlik unvonini qo‘lga kiritdi. “Qaymoqranglilar” 38 turda 95 ochko jamg‘ardi. Ispaniya grandi UEFA Chempionlar Ligasi finalida Dortmundning “Borussiya” jamoasiga qarshi maydonga tushadi.
Uchrashuv 1-iyun kuni Londonda bo‘lib o‘tadi.
Izoh (0)