Улар музлаткичда ухлайди, ёшартирувчи олма истеъмол қилади ёки шунчаки бу дунёнинг одами эмас — машҳурларнинг ташқи кўриниши ва ёши ҳақида гап кетганда интернетда шундай версиялар илгари сурилади.
Фаррел Уильямс
Фаррелл Уильямснинг ёшини билмасангиз, уни ёш авлоднинг истиқболли рэпери деб ўйлашингиз мумкин. Аслида юлдуз аллақачон 50 дан ошган. Ҳақиқий мухлислар Фаррелл ҳақида кўп нарсани билишади, лекин улар ҳам кумирларининг ёшини билганида ҳайратда қолишади. У жуда ёш кўринади, унинг юзида “гўзаллик инексиялари” ёки жарроҳлик операциялари излари йўқ.
Интервьюда Уильямс эркакларга нисбатан ҳар қандай нотўғри қарашларга қарамай, терисига эҳтиёткорлик билан ғамхўрлик қилишини ва гўзаллик тартиби унинг учун мажбурий эканлигини айтади. Ёш, соғлом ва ёрқин юзнинг сири — терининг тезроқ янгиланишига ёрдам берадиган пилингдан фойдаланади. Бундан ташқари, тозалаш ва намлаш ҳақида унутмайди.
“Одамлар ҳар доим терини парвариш қилиш ва умуман соғлом тери аёллар учун эканлигини айтишади. Аммо менимча, бу барча одамлар учун фойдалидир”, деди Фаррелл.
Шакира
Шакирани лотин эстрадасининг афсонаси деб аташади. Кўпчилик Жерар Пике билан ажрашганидан сўнг хонанда янада жозибали кўринишга эга бўлган деб ҳисоблайди. Шакира ҳар бир аёлнинг ички ҳолати ва кайфиятини унинг ташқи кўринишида акс этишига ишонади. Аммо ёшликнинг сири фақат бу эмас.
Шакиранинг ҳаёти мунтазам жисмоний фаолиятни ўз ичига олади ва у кўп вақтини рақс залида ўтказади. Юлдуз, шунингдек, ҳар доим қуёшдан ҳимоя қилувчи юқори даражадаги SPF кремдан фойдаланади, мунтазам равишда витамин қабул қилади.
“Менимча, гўзаллик руҳий ҳолат билан боғлиқ. Юзим учун C витаминидан фойдаланаман. Агар C витамини етишмаса, организм етарлича коллаген ишлаб чиқармайди. Коллаген туфайли тери янада ёрқинроқ кўринади ва майда доғлар йўқолади,” дейди юлдуз.
Жаред Лето
Жаред Летонинг ташқи кўриниши ҳақида ҳатто фитна назарияси ҳам мавжуд. Мусиқачига қараб, унинг 52 ёшда эканлигига ишониш қийин. Шунинг учун кўпчилик актёрни абадий яшайдиган вампирга айланганига ишонади. Жареднинг “Морбиус” фильмидаги ролидан сўнг, у кўршапалаклар қонини ўзига укол қилиб, уларга ўхшаб қолган, деган назарияга энди ҳеч ким шубҳа қилмайди.
Қизиғи шундаки, Жаред нафақат юзидан, балки танасидан ҳам жуда ёш кўринади. Унинг силлиқ териси ҳеч кимни бефарқ қолдирмайди, худди ёш йигитники каби. Летонинг ўзи гўзаллик ва ёшлик сири соғлом турмуш тарзи натижаси эканини таъкидлайди. Юлдуз уйқу жадвалига амал қилади, чекмайди, спиртли ичимликларни истеъмол қилмайди, тоза ҳавода спорт билан шуғулланади ва гўшт емайди.
“Тўғрисини айтсам, мен ҳеч қачон косметикага қизиқмаганман, лекин ўзимга табиий тарзда ғамхўрлик қилиш ёқади. Мен етарлича ухлаш учун ҳаракат қиляпман, кўп сув ичаман, албатта”, дейди актёр.
Томас Сенгстер
Томас Сенгстер рафиқаси Талула Райли билан турмуш қурганида, кўпчилик уларнинг ёшини суриштира бошлади. Аслида актриса эридан тўрт ярим ёш катта. Аммо Томас унга қараганда чиройли ва ёш кўринади. Уни кўпинча “абадий ёш” ёки “ўсмир юзли одам” деб аташади. Биринчисини илтифот деб ҳисоблаш мумкин, аммо иккинчиси актёрни хафа қилади.
Интервьюларининг бирида Томас баъзида ташқи кўриниши ўзига ҳам ёқмаслигини тан олди. Бир марта уни дўкон сотувчиси вояга етмаган деб, спиртли ичимлик сотмаган.
“Мен ҳар доим ҳақиқий ёшимдан камида уч ёки тўрт ёшга ёшроқ кўринардим ва нима учун бундайлигини билмайман. Одамлар мендан доимо шу ҳақда сўрашади”.
Жим Парсонс
Маълум бўлишича, “Катта портлаш назарияси” юлдузи ҳам 50 дан ошган. Агар актёрнинг ҳозирги суратларини карьерасининг бошида олинган кадрлар билан солиштирсангиз, қандайдир ўзгаришларни кўриш учун микроскоп керак бўлади. Актёр ҳеч қачон ёшлик сирларини баҳам кўрмаган. Эҳтимол, у нима учун бундай кўринишга эга эканлигини ҳам билмайди. Бу фақат генетика ва соғлом овқатлансин натижаси деб тахмин қилиш мумкин.
Александра Даддарио
Александра Даддарионинг ташқи кўринишига унинг кўм-кўк кўзлари тозалик ва ёрқинлик бағишлайди. Актрисанинг ғайриоддий “қўғирчоқ” қиёфасига эга бўлганлиги сабабли у йиллар давомида ўзгармаганга ўхшайди. Даддарио тахминан 10-15 йил олдин ҳам худди шундай кўринишга эга эди, шунинг учун юлдузнинг ҳақиқий ёшини тахмин қилиш жуда қийин. Айтганча, унинг юзида пластик жарроҳлик ёки укол излари йўқ. Бутун сир — терини парвариш қилиш ва мунтазам жисмоний машқларда.
“Мен 20 ёшда эмасман ва терим парвариш қилиш учун кўпроқ витаминларга муҳтож”, дейди Александра.
Изоҳ (0)