АҚШ ҳукумати ҳали ҳам Калифорниядаги ёнғинларини ҳали ҳам ўз назорати остига ололмади. Ёнғин кўплаб машҳур шахслар яшайдиган нуфузли Пасифик Пелисейдс ва Maлибу ҳудудларида давом этмоқда.
Қурбонлар орасида Перис Ҳилтон ҳам бор эди. 43 ёшли реалити-шоу юлдузи ўзининг Maлибудаги уйининг ёнишини телевизордаги янгиликларда жонли эфирда кўришга мажбур бўлган:
“Оилам даврасида янгиликларни томоша қилиш ва жонли эфирда Maлибудаги уйимиз ёниб кетганини кўриш биз учун катта зарба бўлди”, деди у.
Актриса ёнғинлардан жабр кўрган ҳар бир оила, уйидан айрилган инсонларга ҳамдардлик билдирди.
Калифорниядаги ёнғин шамол туфайли тез тарқалмоқда ва кенг майдонни қамраб олмоқда. Офат кўплаб уйларни вайрон қилган ва ўн минглаб одамлар эвакуация қилинишига мажбур қилган. Ёнғинга қарши кураш ҳали ҳам давом этмоқда.
Аллақачон уйларини йўқотган машҳурлар орасида Анна Фарис, Адам Броди, Лейтон Мистер, Спенсер Пратт ва Хейди Монтаг, Жеймс Вудс, Евгений Леви, Майлс ва Келли Теллер, Жон Гудман ва бошқалар бор. Жумладан, Энтони Хопкинснинг 6 миллион долларлик уйи ҳам ёниб кетди.
Жейми Ли Кертис, Марк Хемилл ва Менди Мур ўз уйларини эвакуация қилишга мажбур бўлди. Жейми Ли Кертиснинг айтишича, у ва унинг оиласи хавфсиз, аммо унинг маҳалласи ва уйи ёниб кетган. 66 ёшли “Оскар” совриндори кўплаб дўстлари мол-мулки йўқотганини таъкидлади.
Тинч океани Пелисейдс ҳудудидаги машҳурларнинг уйлари ҳам ёнғин остида қолган. У ерда Адам Сандлер, Бен Аффлек, Том Хенкс ва Стивен Спилберглар хонадони бор эди.
Фото: Тhе Voice
Шунингдек, актёр Мел Гибсоннинг 14,5 миллион долларлик уйи ҳам ёниб кетди. Бу вақтда актёр Жо Роганнинг Техасдаги подкастда бўлган. Мел Гибсоннинг NewsNation нашрига маълум қилишича, подкастни ёзиб олаётганда у ўз маҳалласи ёнаётганини билган, аммо кутишдан бошқа чораси бўлмаган.
Мел йиллар давомида ушбу хонадонни сотишга ҳаракат қилган ва ҳатто нархини 3 миллион долларга туширган. Ҳозирда актёр йўқотилган буюмлардан кўра ундаги хотиралар ҳақида кўпроқ қайғуради.
Ҳозирда Лос Анжелесдаги ёнғин қурбонлари сони 10 кишига етди. Табиий офат 7 январь куни Тинч океанидаги Пелисейдс тепаликлардаги ўрмонларда бошланган. Ёнғин тез тарқалиб, океан томон эсган шамоллар туфайли кучайган.
Изоҳ (0)