Ҳар бир инсонда бирор нарсадан қўрқув ҳисси бор. Қўрқиш бу табиий ҳиссиёт бўлиб, инсон ва ҳайвонларда ўз ҳаётини сақлаб қолиш инстинктини фаоллаштириб, ҳимоя қилиш қобилиятини ишга туширади.
Ҳатто машҳур ва бадавлат инсонлар ҳам бундан мустасно эмас. Бугунги қаҳрамонларимиз қоронғилик, баландликлар ва ёпиқ жойлардан қўрқиши ҳақида эмас, балки қизиқарлироқ ҳислари билан бўлишади.
Рианна
Барбадослик хонандага аквариум совға қила кўрманг. Рианна болалигидан ихтиофобиядан азият чекади, шунинг учун у ҳеч қачон денгиз ёки океанга шўнғишга рози бўлмайди. Хонанда ҳар қандай турдаги денгиз жонзотлари ва балиқлардан қўрқади.
“Бир куни болалигимда денгизда сузаётган эдим, сўнг атрофимда сузиб юрган балиқларга кўзим тушди ва менда ваҳима бошланди. Ўша кундан бери балиқлардан қўрқаман”, — дея тан олади қўшиқчи.
Актриса “Немони излаб” анимацион фильмини кўрмагани маъқул...
Чарли Ҳаннем
Британиялик актёр Чарльз Ҳаннем ҳам ғайриоддий фобияга эга. У микроблар ва кирликдан қаттиқ қўрқади. Бундай фобия мактабда бошланғич синфда ўқиб юрган кезлари бошланган: актёр яшаган шаҳарда инсонларнинг кўриш қобилиятига салбий таъсир қилувчи инфекция тарқалган. Ёш Чарли шунчалик қўрқиб кетганки, бугунги кунда ҳам актёр уйдан антисептиксиз чиқмайди, жамоат жойларидан қочичга уринади.
“Болалигимдан доимо гермафоб бўлганман. Ўта тозаликка риоя қиламан ва танимаган инсонларим билан яқин алоқада бўлмайман”, — дейди Ҳаннем.
Зендея
Зендея актёрлик фаолияти билан чекланмасликка қарор қилди. У режиссёрлик курсисида ўтиришни орзу қилади. Ёш актриса Денис Вилнёв ва Лука Гуаданинё каби машҳур актёрлар билан ишлагач, унинг ўз қобилиятига бўлган ишончи бир оз сусайди. Эндиликда у кўплаб томошабинлар учун манзур бўладиган фильмни суратга ололмай қолишидан қўрқади.
“Режиссёрликка қадам ташлашимга тўсқинлик қиладиган ягона нарса — бу ўзимни доимий танқид қилишим ва кучимга бўлган ишончим комил эмаслигидир. Мен ҳавас билан кузатадиган Голливуд намоёндаларидек буюк инсон бўла олмайман, деб қўрқаман. Агар мен ушбу ички овозни енга олсам, эҳтимол, режиссёр бўлишим мумкин”, — дея Зендея ўз фикрлари билан ўртоқлашди.
Жонни Депп
Жонни Депп циркларни ёқтирмайди. Актёрда энг кенг тарқалган фобиялардан бири — масхарабозлар ва гриммдан қўрқуви бор. “Алиса мўжизалар мамлакатида” ва “Чарли ва шоколад фабрикаси” фильмларида суратга тушиш фобияни енгишга ёрдам бермади.
“Бир куни мен даҳшатли тушлар кўрдим! “Алиса мўжизалар мамлакатида” фильмини суратга олиш кунларида ўзга сайёраликлар мени Голливуд шон-шараф хиёбонидан ўғирлаб кетишди!” — дея сўзлаб берди Депп.
Эд Ширан
Баъзи юлдузлар вақт ўтиши билан инсонларнинг салбий фикрлари ва нафратига ўрганиб қолади ва парво қилмай қўяди. Аммо актёр Эд Ширан, аксинча, уни ёқтирмайдиганлардан ва турли танқидлардан жуда қўрқади. Салбий фикрлар сабабли Эд ҳатто Twitterъдаги аккаунтини юритишни тўхтатиб қўйди. Бир вақтлар хонанда “Тахтлар ўйини” фильмида суратга тушгани учун бир нечта мухлислар уни ёмон кўриб қолган.
“Инсонлар ё мендан нафратланади ва бошқа ҳеч қачон қўшиқ айтмаслигимни истайди, ёки ижодимга катта ҳурмат билан қарайди. Бундай кескинлик мени қўрқитади. Албатта, менинг қўшиқларим ҳаммага ёқиши шарт эмас, аммо шундай бўлса-да, ҳеч қачон кўрмаган ва суҳбат қурмаган бегона инсонни шунчаки ёмон кўрадиганларни тушунмайман. Миллионлаб одамлар сизнинг муваффақиятсизликка учрашингизни хоҳлаши жуда қўрқинчлидир”, — дейди хонанда.
Тейлор Свифт
Тейлор Свифт ҳам шунга ўхшаш муаммога эга. Қўшиқчи ёмон ниятли шахслар уни алдаши ёки тузоққа туширишидан қўрқади. Тейлорнинг айтишича, биргина ҳаракати туфайли ғараз ниятли кишилар уни панжара ортига қўйиши ҳам мумкин, шунинг учун Свифт уйдан иложи борича камроқ чиқишга ҳаракат қилади.
“Мен бир неча кунлар давомида уйдан чиқмай ўтиришим мумкин. Янги квартира сотиб олганим ёки мен ҳеч қачон кўрмаган йигит билан учрашганим ҳақидаги турли хабарларни менга қарши ишлатишлари ва мен қилмаган жиноятда айблашлари мумкин”, — дея қўрқувини изоҳлаб берди Тейлор.
Шунингдек, хонанда унинг суҳбатларини учинчи шахслар эшитиб туришидан қўрқади. Шу сабабли уйидаги ҳар бир хонани камералардан ҳоли эканлигини текширади ва ўзининг хавфсизлигига жиддий аҳамият беради.
Изоҳ (0)