Актриса Анжелина Жоли ўзининг саломатлиги сабабли яна эътибор марказида. RadarOnline’нинг хабар беришича, унинг фарзандлари онасининг яна вазн йўқотишидан жиддий хавотирда.
Анорексия билан курашган актриса “Мариа” фильми премерасида жуда озғин кўрингани учун кўп танқид қилинган эди. Ўша пайтда унинг вазни 45 килограммдан кам бўлган.
Касаллик қайталанишининг олдини олиш мақсадида Жолининг барча фарзандлари онасига ғамхўрлик қилишда фаол иштирок этмоқда. Улар бирга дўконга боради, Жоли ёқтирган нонвойхонадан турли маҳсулотлар харид қилади ва актрисани тўғри овқатланишга ундаш учун ҳар куни биргаликда оилавий таомлар тайёрлашади.
“Актриса болаларининг назорати остида бир оз кўпроқ овқат еяпти”, дейилади манбада.
Анжелина Жолининг депрессия билан кураши 2007 йилда, онаси саратон касаллигидан вафот этганида бошланган. Бу йўқотиш у учун кучли зарба бўлди, уни ўз қўрқувлари билан юзлаштирди. Худди шу касалликка чалиниш хавфи юқори эканлигини кўрсатган генетик тестдан сўнг, актриса кўпчиликни ҳайратга солган қарор қабул қилди: у онаси каби тақдирга дуч келмаслик учун кўкрак ва тухумдонларини олиб ташлади.
2016 йилда турмуш ўртоғи Бред Питт билан ажрим жараёни бошланди, сурункали стресс ва тушкунлик туфайли бўйи 169 сантиметр бўлган ҳолда атиги 37 килограмм оғирликда эди. Вазият 2013 йилда Жоли “Малифисента” фильмига бош ролга таклиф этилганида ўзгаришни бошлади. Режиссёр Роберт Стромберг шарт қўйди: актриса ишга киришишдан олдин камида ўн килограмм вазн йиғиши керак эди. Бу Анжелина учун бурилиш нуқтаси бўлди, у ўз танасига ғамхўрлик қилиш зарурлигини англай бошлади. Аммо унинг анорексияга қайта чалиниши фарзандларини хавотирга солмоқда, шу туфайли улар онасига ҳар куни ғамхўрлик қилишда давом этмоқда.
Изоҳ (0)