Хонанда ва актриса Женнифер Лопес америкалик актёр Бен Аффлек билан расман ажрашмоқда, дея хабар бермоқда “Лиса.ру”. Ҳужжатларда Лопес уларнинг ажралишлари 2024 йил 26 апрелда содир бўлган, деб кўрсатилган.
Daily Mail нашрининг ёзишича, ажримга жуфтликнинг ошкорона муносабатлари сабаб бўлган. Бен ва Женнифер ўртасидаги алоқа тафсилотлари ҳаддан ортиқ омма эътиборида бўлди, бу эса оилада турли муаммоларни келтириб чиқарди.
Манбада айтилишича, Лопес “стрессга тушиб қолган турмуш ўртоғини назорат қила олмаган, Бен эса ўзининг бу ҳолатини ўзгартира олмаган”.
Хорижий ОАВлар ҳам худди шу фикрни тасдиқламоқда: никоҳнинг дарз кетишига Женнифернинг шахсий ҳаёти тафсилотларини жамоатчилик билан фаол баҳам кўриши сабаб бўлган.
Юлдузли жуфтлик муносабатларининг тарихи 2002 йилга бориб тақалади, 2004 йилда улар никоҳдан ўтиши керак бўлади, аммо Лопес тўйни бир неча кун қолганда тўхтатади. Орадан қарийб йигирма йил ўтиб — 2021 йил июль ойида Лопес ва Аффлек яна бирга эканини тасдиқлади. 2022 йил 16 июлда эса жуфтлик муносабатларини расман қонунийлаштирди.
Изоҳ (0)