Истеъдод, албатта, қон орқали ўтиши тиббиётда ўз исботини топган. Ишониш қийин, аммо ташқи кўринишида катта тафовут бўлган қуйидаги машҳурлар бир-бирига қариндошдир.
Жастин Бибер ва Райан Гослинг
Жастин ва Ҳейли Биберларнинг тўйида биргина меҳмон: актёр Райан Гослинг етишмади. Хонанда махсус веб-сайт ёрдамида оила дарахтини яратганида ҳайратда қолди. Маълум бўлишича, Жастин ва Райанни 11-авлодда умумий қариндошлар бирлаштириб туради.
Канадалик поп мусиқачининг ўзи Аврил Лавин билан қариндошлигини ҳам эълон қилган. Жастиннинг ўзи олиб борган изланишларга кўра, Аврил унинг ота томондан узоқ қариндоши бўлиб чиққан.
“Мен актёр Райан Гослинг ва хонанда Аврил Лавин билан қариндошлигимни билдим! Бу менинг ҳаётимдаги энг яхши кун!”, деди Бибер ғурур билан.
Жейсон Момоа ва Зои Кравиц
“Тахтлар ўйини”даги Кҳал Дрого образи юлдузи Жейсон Момоа ва модел Лиза Бонет қарийб 16 йил муносабатда бўлган. Актёр қаллиғининг қизи, “Дивергент” фильми юлдузи Зои Кравицга ўгай ота ҳисобланади.
Опа-сингил Эль ва Дакота Фаннинг ҳамда Кейт Миддлтон
Опа-сингил Эль ва Дакота Фаннинглар қирол Эдвард III нинг авлодлари. Шунинг учун улар шаҳзода Уилямнинг рафиқаси Кейт Миддлтонга узоқ қариндош ҳисобланади.
Тарихчиларнинг таъкидлашича, Эль ва Дакотанинг катта бобоси Англия ҳукмдори Эдуард III монархия давлатини 1327–1377 йилларда бошқарган. Актриса опа-сингиллар кўпинча “ғойиб бўлган маликалар” деб аталади.
Жонни Депп ва Елизавета II
Жек Читтак образи қаҳрамони Жонни Депп аждодларининг иерархияси марҳум қиролича Елизавета II га бориб тақалади.
Анжелина Жоли ва Ҳиллари Клинтон
АҚШнинг собиқ биринчи хоними Ҳиллари Клинтон ва Голливуд актрисаси Анжелина Жоли Жин Кассоннинг авлодларидир.
Мэтт Деймон, Бен ва Кейси Аффлек
Актёрлар қариндошлиги ўнинчи авлодга бориб тақалди. Кичик Уильям Ноултон XVII асрда Англиядан Америкага кўчиб келган. Айтганча, ака-ука Бен ва Кейси Аффлек ҳамда Мэтт Деймон Бостоннинг бир районида туғилиб ўсган.
Изоҳ (0)