Ёши қирқдан ошгандан кейин ўз жуфтини топган ва турмушга чиққан Голливуд оламининг энг машҳур актрисаларини эътиборингизга ҳавола этамиз.
Эми Адамс, 41 ёшида турмушга чиққан
Актриса Эми Адамс 2001 йилда рассом Даррен Ле Галло билан актёрлик санъатига бағишланган махсус курсида танишган. Бир йилдан сўнг улар “Пенни” номли қисқа метражли фильмда иштирок этиш вақтида учраша бошлаган. Жуфтлик 2008 йилда унаштирилди ва орадан етти йил ўтиб Калифорниянинг Санта Барбара шаҳридаги гўзал масканда тўй маросимини ўтказди.
Жессика Честейн, 40 ёшида турмушга чиққан
2010 йилда сценарий муаллифи ва режиссёр Нед Бенсон билан узоқ муддатли муносабатлари тугаганидан сўнг, актриса Жессика Честейн 2012 йилда италиялик граф ва Moncler компаниясининг директори Жан Лука Пасси де Препосуло билан учрашишни бошлади. Орадан беш йил ўтгач, яъни 2017 йилда Жессика қироллик оиласига келин бўлди. Тўй Италиянинг Карбонара шаҳридаги Препосуло саройида расмий маросим сифатида ўтказилди. Ҳозирда жуфтлик икки нафар қизнинг ота-онаси.
Кэмерон Диас, 42 ёшида турмушга чиққан
Актриса Кэмерон Диас 2015 йилда Good Charlottе гуруҳи гитарачиси Бенжи Мадденга танишувдан ўн ой ўтиб турмушга чиқди. Уларни Кэмероннинг дугонаси Никол Ричи таништирган эди. 2019 йилда Диас ва Мадден суррогат оналик хизмати орқали ота-она бўлиш бахтига муяссар бўлди. Дунёга келган қизалоққа Реддикс деб исм қўйилди.
Жулианна Мур, 43 ёшида турмушга чиққан
Актриса Жулианна Мур ва режиссёр Барт Фрейндлих 1996 йилда “Ўтмиш соялари” фильмида суратга тушиш вақтида танишиб қолган. Улар бир неча йил давомида биргаликда яшаган ва икки нафар фарзандли бўлгач, (Калеб Фрейндлих ва Лив Фрейндлих) 2003 йил август ойида расман никоҳдан ўтишди.
Сальма Ҳайек, 42 ёшида турмушга чиққан
2007 йил март ойи Сальма Ҳайек ҳаётидаги энг қувончли ой бўлди: актриса Kering компаниясининг бош директори Франсуа Анри Пино билан унаштирилди. Ўша вақтда Сальма биринчи фарзандига ҳомиладор эди. Кейинги йил сентябрь ойида актриса қиз фарзандини дунёга келтирди ва 2009 йилда жуфтлик Парижда тўй маросимини ўтказди. Эр-хотин икки ойдан кейин Венецияга саёҳат қилди ва у ерда ҳам байрам ташкил этиб, никоҳ қасамларини янгилади.
Пэрис Ҳилтон, 40 ёшида турмушга чиққан
2019 йилда Пэрис Ҳилтон ва ниҳоят ўз жуфтини топди. Унинг турмуш ўртоғи тадбиркор Картер Реум бўлиб, жуфтлик 2021 йил февраль ойида унаштирилди. Эр-хотин 2021 йилнинг ноябрида нуфузли меҳмонлар қуршовида ўтган тўй маросимида никоҳ қасамёдларини айтишди ва бутун дунё бўйлаб саёҳатга йўл олишди.
Кортни Кардашьян, 43 ёшида турмушга чиққан
2021 йил январь ойида Кортни Кардашьян ва Блинк-182 рок гуруҳи барабанчиси Тревис Баркер билан муносабати тасдиқланди. Ажойиб жуфтлик 2021 йил октябрь ойида унаштирилди ва 2022 йил май ойида Калифорниянинг Санта Барбара шаҳрида никоҳдан ўтди. Кейинги ҳафтасига эса Италиянинг Портофино шаҳрида тўй маросими давом эттирилди.
Бритни Спирс, 40 ёшида турмушга чиққан
Беш йил давом этган муносабатдан сўнг хонанда Бритни Спирс Сэм Асгарига турмушга чиқди. Улар 2022 йил июнь ойида Slumber Party клипини суратга олиш вақтида танишган. Бу хонанданинг учинчи расмий никоҳи.
Кирстен Данст, 40 ёшида турмушга чиққан
Актриса Кирстен Данст ўзининг ҳамкасби Жесси Племонс билан 2016 йилда “Фарго” сериалида эр-хотин ролларини ижро этиш вақтида фильмдаги муносабатлар реалликка кўчган. 2017 йилда улар унаштирилди. Кристен 2018 йилнинг май ойида биринчи ўғлини, 2021 йилнинг май ойида иккинчи ўғлини дунёга келтирди. Кристен ва Жесси расман никоҳдан фақат 2022 йил июль ойида ўтишди.
Женнифер Лопес, 52 ёшида турмушга чиққан
Женнифер Лопес 2002 йилда танишган ва тўйига бир неча кун қолганда муносабатларини узган севгилиси Бен Аффлек билан орадан 20 йил ўтгач муносабатларини қайта тиклади. Юлдузлар 2022 йил июль ойида Лас Вегасда турмуш қурди. Уларнинг муносабатлари турли нашрлар ва ижтимоий тармоқларда шов-шувли хабарлар билан барчанинг эътиборини тортди. Аммо афсуски, сўнгги хабарларга қараганда Бен ва Женнифер никоҳи узоққа бормади. Лопес ва Аффлек ажралиш арафасида эканлигини бир нечта хорижий манбалар тасдиқлаб ёзди.
Изоҳ (0)