38 ёшли кореялик актёр ва хонанда Ли Син Ги Chorokbaement Entertainment агентлигига қарши судда ютиб чиқди. Бу ҳақда Koreа Daily хабар берди.
Маълумотларга кўра, хонанда 2004 йилдан буён компания билан ҳамкорлик қилган ва улар учун 137 та қўшиқ ёзиб берган. Аммо у агентликдан меҳнати учун тўлиқ гонорар олмагач, компанияни фирибгарликда айблаб судга берган.
“Илтимос, ўз ҳуқуқингизни билинг, токи мусиқий соҳада эндигина фаолият қилишни бошлаган муаллифлар мен каби алданиб қолмасин”, дейилади Ли Сıн Гининг баёнотида.
Chorokbaement Entertainment бунга жавобан даъво аризаси билан чиқиб, қарздорлик мавжудлигини тасдиқлашни сўраган. Агентлик вакиллари, Ли Син Гига барча гонорар ва кечиктирилган тўловлар учун пеня фоизлари тўлаганини, умумий сумма 374 минг долларни ташкил этганини айтди.
Аммо суд якунига кўра, агентлик актёрга 581 470 минг вон (тахминан 403 минг доллар) тўлаши шарт эканлиги маълум бўлди. Компаниянинг даъвоси эса рад этилди. Суд харажатлари икки томон ўртасида тенг тақсимланди.
Маълумот учун, Chorokbaem Mediа (초록뱀미디어) — Жанубий Кореяда драма ва анимация фильмлари ишлаб чиқарувчи компания ҳисобланади. У 2000 йил сентябрь ойида ташкил этилган бўлиб, ҳозирда Сеул шаҳрининг Гангнам туманида жойлашган.
Изоҳ (0)