Асосий иш фаолиятидан ташқари, Голливуд машҳурлари косметика лойиҳаларига ҳам катта сармоя киритади. Қуйида шахсий гўзаллик компаниясини ташкил этган ва ўзининг тадбиркорлик ишлари билан юқори даромадга чиққан юлдузларни эътиборингизга ҳавола этамиз.
Жессика Альба — Honest Beauty
Голливуд актрисаси Жессика Альбанинг Honest Beauty бренди экологик жиҳатдан тоза гўзаллик ва саломатлик маҳсулотларини ўз ичига олади. Мазкур бренд тери ва соч парвариши ҳамда декоратив косметика учун кенг ассортиментни таклиф этади.
Рианна — Fenty Beauty
Машҳур хонанда Рианна Fenty Beauty косметика бренди гўзаллик саноатида инқилоб қилди. Компания турли хил тери рангларига мос келадиган тонал кремларнинг кенг ассортиментини тақдим этади. Fenty Beauty ўзининг юқори сифатли маҳсулотлари туфайли қисқа вақт ичида косметика саноатда етакчи ишлаб чиқарувчилардан бирига айланди.
Кайли Женнер — Кylie Cosmetics
Кардашьянлар оиласининг кенжа аъзоси Кайли Женнер ўзининг Кylie Cosmetics брендига асос солган. Компания айниқса лаб бўёғи тўпламлари билан машҳурдир. Ушбу бренд маҳсулотлари бутун дунё бўйлаб миллионлаб гўзаллик ихлосмандлари томонидан севиб фойдаланилади.
Леди Гага — Haus Laboratories
Таниқли хонанда Леди Гага Haus Laboratories компаниясини 2019 йилда ташкил қилди. Унинг маҳсулотлари ҳозирда 10 дан ортиқ давлатларда, жумладан, Amazon савдо платформаси ҳамда Sephora дўконларида сотилади.
Дрю Бэрримор — Flower Beauty
“Чарли фаришталари” фильми юлдузи, актриса Дрю Бэрримор ўзининг косметика брендини 2012 йилда ташкил қилди. Унинг бренди юқори сифат ва ҳамёнбоп нархларни ўзида мужассам этган.
Селена Гомес — Rare Beauty
Хонанда Селена Гомеснинг Rare Beauty компанияси инсонларнинг ўзига хослигини қабул қилиш ва тарғиб этиш, сохта мукаммаллик стандартларини бузиш ҳамда аҳолининг руҳий саломатлигини оширишни мақсад қилган. Кенг ассортиментдан иборат бренд турли хайрия ташаббусларини ҳам қўллаб-қувватлайди. Сўнгги беш йил ичида бренднинг умумий даромади 2 миллиард доллардан ошди. Rare Beauty косметикалари Sephora дўконлари тармоғида энг кўп сотиладиган маҳсулотлардан биридир.
Виктория Бекҳэм — Victoria Beckham Beauty
Британиялик актриса ва хонанда, Spice Girls гуруҳининг собиқ аъзоси Виктория Бекҳэм ўзининг минималистик эстетикасини намойиш этиб, 2019 йилда шахсий косметика брендини ишга туширди. Бренд юқори сифатли ва вегетариан гўзаллик маҳсулотларини таклиф этади.
Фаррел Уильямс — Humanrase Skincare
Қўшиқчи, рэпер Фаррел Уильямс терини парвариш қилиш воситаларига ихтисослашган брендини ташкил қилган. Компания таркибий қисмларига ҳайвон компонентлари қўшилмайдиган ва экологик жиҳатдан тоза маҳсулотларни таклиф этади.
Ариана Гранде — R.E.М. Beauty
Хонанда Ариана Гранде ўзининг шахсий косметика брендини 2021 йил ноябрь ойида ишга туширди. Қисқа вақт ичида машҳурликка эришган R.E.М. Beauty компанияси 2022 йил май ойида Allure’s Readerсъ Choice Awards мукофотида энг яхши янги бренд мукофотини қўлга киритди.
Изоҳ (0)