Актриса Анжелина Жоли шахсан продюсерлик қилган ва бош ролни ижро этган “Мария” номли биографик фильми учун “Оскар”га номзоди қўйилмаганидан қаттиқ хафа, деб ёзади Spletnik.ru.
Инсайдерлар маълумотига кўра, ҳамма гап Голливуднинг Бред Питт томонида эканидадир. Собиқ турмуш ўртоқлар узоқ йиллар давомида Чатеау Миравал вино заводи бўйича судда курашиб келган эди. Нуфузли “Оскар” мукофотига Жолининг номзоди қўйилиши актриса учун муҳим эди, дейилади манбада. Ахир Анжелина “Мария” фильми учун кўплаб пресс-релизлар ташкил қилган, деб ёзади Page Six нашри.
Актрисага ҳеч қандай номинация берилмаганига Голливуднинг Бред Питтни жуда яхши кўриши сабаб бўлган, дея тахмин қилинмоқда. Маълумотларга кўра, Питт азалдан Америка кинематографиясининг энг ёқимтой ва барча учун севимли актёри бўлган. Унинг иштирокидаги барча лойиҳалар ҳайъат аъзолари томонидан доимо ижобий баҳоланган.
“Мария” фильми “Олтин глобус” мукофотининг “энг яхши драма актрисаси” номзодлигига қўйилган эди. Бу эса Жолининг образлари хорижда севиб томоша қилинишини исботлайди. Аммо бу Голливуд эмас. Ҳеч ким Бредга қарши чиқиб, Анжелинага овоз беришни истамайди, дейилади манбада.
Аммо Анжелина Жоли “Ўғирланган ҳаёт” (1999 йил) фильмидаги Лиза Роу роли учун аввалроқ “Оскар” мукофотига сазовор бўлган.
Маълумот учун, “Мария” фильми Чили давлатидан бўлган режиссёр Пабло Ларраиннинг биографик драмаси бўлиб, унда 20-асрнинг энг буюк опера хонандаларидан бири Мария Калласнинг ҳаёти ҳақида ҳикоя қилинади. Фильмдаги воқеалар 1970 йилларда Парижда, Каллас карьерасининг сўнгги йилларида бўлиб ўтади. Унинг премераси 2024 йил август ойида Венеция кинофестивалида бўлиб ўтди.
Изоҳ (0)