Бугун Шарлиз Терон Голливуднинг энг машҳур актрисаларидан бири. Лекин унинг актёрлик таълими йўқлигини билармидингиз? У съёмка майдончаларига бир ноодатий ҳодиса туфайли тушиб қолган.
Терон 18 ёшида Голливудга келган. Ундан олдин актриса жароҳат олгани туфайли балет машғулотларини ташлашга мажбур бўлган ва моделлик билан шуғулланган. Молиявий аҳволи ҳам танг эди ва бир куни Шарлиз Лос Анжелесдаги банк бўлимида жанжал чиқаришга мажбур бўлган.
У Нью Йоркдаги мода каталоглари учун суратга тушгани учун олган чекини нақд пул қилишга ҳаракат қилган, аммо банк ходими бундан бош тортган, чунки чек бошқа штатда берилган.
“Банк уни қабул қилмади, менга эса пул жуда керак эди. Шунинг учун кассирдан ёрдам беришини илтимос қила бошладим. Мен илтимос қилавердим, шу пайт бир киши келиб, менга ёрдам беришга ҳаракат қилди”, деб Опра Уинфри билан суҳбатда Терон ҳикоя қилган.
Бўлажак юлдуз ўшанда банкдаги жанжал унинг биринчи кастингига айланишини билмаган эди, чунки бу раҳмдил одам ўша пайтда Жон Херт ва Рене Руссо манфаатларини ҳимоя қилган агент Жон Кросби бўлган. Тез орада у Тероннинг агентига айланди.
“Банкдан чиқаётиб, ёрдам берган одам менга ташриф қоғозини берди. Агар қизиқсангиз, сизга вакиллик қиламан, деди”, деб эслайди актриса. Шундай қилиб, ўз вақтида банкда уюштирилган жанжал туфайли Терон Голливудга кириб келди.
Изоҳ (0)