Турк сериаллари орасида алоҳида ўрин эгаллаган “Муҳташам юз йил” лойиҳаси нафақат тарихий сюжети, балки унда иштирок этган актёр ва актирсалар жамоаси билан ҳам томошабинларда катта таассурот қолдирган. Айниқса, сарой канизакларини гавдалантирган аёллар образи кўплаб муҳокамаларга сабаб бўлган. Сериалда Хуррам султоннинг душманлари ролини ижро этган актрисалар ҳозир қандай кўринишда ва нималар билан банд?
Нозанин
Сериалда султон Сулаймоннинг қалбидан жой топа олган сўнгги канизак бу Нозанин эди. У ҳатто султонга қиз фарзанд ҳам туҳфа этади. Бироқ канизак ва унинг боласининг тақдири ачинарли кечган.
Актриса Алмеда Абази сериалда Валерия образини гавдалантирган, у кейинчалик ҳарамга тушгач, исми Нозанинга ўзгартирилган. Алмеда — турк-албан модели ва актрисаси. “Муҳташам юз йил” унинг фильмографиясидаги охирги лойиҳа бўлган. У “Мисс Тирана” ва “Мисс Альбания” унвонларига эга бўлган. 2017 йилда у актёр Толгахон Сайишман билан турмуш қуради ва Алмеда актрисалик фаолиятига нуқта қўяди. 2019 йил май ойида ўғил, 2021 йил июнь ойида эса қиз фарзанд дунёга келтиради.
Ҳозирда Алмеда Абази бутун эътиборини оналик вазифасига қаратган. У кино ёки моделлик соҳасига қайтишни режалаштирмаяпти. Узоқ вақт давомида мухлислар унинг актёрликни тарк этишига эрининг рашки сабаб деб ўйлашган. Бироқ Алмеда ва Толгахон бу миш-мишларни инкор этишган. Абази бу қарорни ўзи онгли равишда қабул қилганини айтган.
Фотима
Фотима — шаҳзода Мустафо ҳарамидаги канизаклардан бири бўлган. “Муҳташам юз йил” сериалида Фотима хотун образи энг салбий характерлардан бири сифатида эсда қолган. У саройга келган илк куниданоқ Моҳидаврон тарафини олиб, бошқа канизаклар, хусусан, Хуррамга қарши курашга киришган. Фотиманинг феъл-атвори ўта қаттиққўл, раҳмсиз ва манфаатпараст эди — у ўз мақсадига етишиш учун ҳеч нарсадан тап тортмасди. Айнан шу хусусиятлари туфайли кўплаб томошабинлар уни ташқи кўринишидан кўра ички дунёси учун ёқтирмаган.
Бу образни турк актрисаси Гонжа Сарийилдиз гавдалантирган. Сериал эфирга чиққач, томошабинлар уни реал ҳаётда ҳам салбий қаҳрамон деб ўйлаб, ижтимоий тармоқларда салбий фикрлар билдирган. Бироқ Гонжа актрисалик фаолиятини давом эттирди ва кейинчалик “Севади — севмайди”, “Менинг ширин ёлғоним” каби лойиҳаларда суратга тушди. Шахсий ҳаётини оммага ошкор қилмайдиган актриса ҳозирда ҳам кино соҳасида фаолият юритмоқда.
Элиф
Элиф шаҳзода Мустафонинг биринчи канизаги бўлган. Аммо унинг бахти узоққа чўзилмайди. Моҳидаврон уни Хуррамга қарши курашишда воситачи сифатида фойдаланади. Фотиманинг фитнаси туфайли Элиф ўғриликда айбланади ва бутун ҳарам кўз ўнгида у жонига қасд қилади.
Бу образни турк актрисаси Гўзде Чигажи ижро этган. Вақт ўтиб, актриса анча ўзгариб кетган. Баъзи мухлислар уни ўз ёшига нисбатан анча катта кўринади деб ҳисоблашади. Шунга қарамай, Гўзде доимий равишда янги ролларга таклифлар олиб туради. У “Болқон алласи”, “Бир оила тарихи”, “Қора юрак” каби фильмларда иштирок этган.
Изабелла
Изабелла Кастилия султоннинг ҳарамига тушиб қолишини ва уни юракдан севиб қолишини хаёлига ҳам келтирмаган эди. Дастлаб Султон уни сиёсий ўйиннинг бир бўлаги деб билади, аммо тез орада Изабелла аёл сифатида ҳам қизиқиш уйғотади. Роксалана эса, албатта, султонни чет эллик аёл билан бўлишишни истамас эди.
Изабелла ролини Мелике Ипек Ялова ижро этган. Бу унинг илк роли бўлган ва уни тасодифан олган. Мелике — дипломатнинг қизи бўлиб, илгари тўйлар ташкилотчиси бўлиб ишлаган. Аммо суратга олиш жараёни унга ёқиб қолган ва у кино соҳасида фаолиятини давом эттиришга қарор қилган. У “Кара амаки”, “Ҳаёт қўшиғи”, “Бир вақтлар Чукуровада”, “Айбсиз айбланувчи” каби фильмларда рол ўйнаган. Ҳозирда турмушдан ажрашган.
Елена
Елена ҳам шаҳзода Мустафонинг канизакларидан бири, аммо бошқалардан фарқли равишда у озод аёл бўлган. Уни кўрганда Мустафо ўзини таништирмаган. Узоқ танаффусдан сўнг шаҳзода Еленанинг мажбуран турмушга берилишидан хабардор бўлади. У қизнинг оилавий қарзларини тўлайди ва Еленани ҳарамга олиб келади. Фақат шунда Елена танишган эркак аслида Мустафо эканини билиб қолади. Бироқ ҳарамда озод қизнинг пайдо бўлиши ҳеч кимга ёқмайди. Султон бу ишни эшитиб ғазабланади. Мустафо уни никоҳига олишни хоҳласа-да, якунда Елена ҳарамни тарк этиб, уйига қайтади.
Елена образини Жемре Эбузия гавдалантирган. Бу актрисанинг илк лойиҳаси эмас эди. Унинг отаси актёр, бобоси таниқли режиссёр бўлган. Жемре фаол тарзда кино оламида иш олиб боради. “Агар чин дилдан севсанг”, “Опалар”, “Қизил Истанбул” каби фильмларда рол ўйнаган. Шахсий ҳаёти ҳақида маълумотларни очиқлашни ёқтирмайди.
Феруза
Феруза султон Сулаймоннинг энг севимли канизакларидан бири ва Хуррамнинг энг кучли рақиби бўлган. Агар татуировка воқеаси бўлмаганида эди, Роксалана ҳали кўп вақт унга қарши курашишига тўғри келарди. Кўпчилик томошабинлар Ферузани айнан унинг чолкаси ва умуман соч турмаги туфайли хунук актриса, деб аташган.
Бу образни Жансу Дере ижро этган. “Муҳташам юз йил” актрисанинг илк лойиҳаси бўлмаса-да, айнан шу рол унга дунё миқёсидаги машҳурликни олиб келган. Актриса ҳали ҳам киноларда фаол суратга тушмоқда.
Меҳринисо
Мустафо ҳарамидаги сўнгги канизак, кейинчалик унинг ягона рафиқасига айланган Меҳринисо Барбароссанинг қизи бўлган ва шаҳзодага ворис — ўғил туғиб берган. Ушбу образни актриса Беррак Тузунатач ижро этган. У модел бўлиб ҳам фаолият юритади. Тузунатач “Тикувчи”, “Биз шундаймиз”, “Туб”, “Фи, Чи, Пи” каби лойиҳаларда рол ўйнаган. У турли реклама роликларида ҳам суратга тушган.
Изоҳ (0)