Gollivuddagi taniqli insayder “Shrek 5” multfilmi syujetini oshkor qildi. Aynan u ilgari loyihada aktrisa Zendaya ishtirok etishini birinchi bo‘lib aytgan edi. Bu keyinchalik tasdiqlandi.
Yangi qisqa syujet quyidagicha:
Shrekning qizi sehr bilan shug‘ullanadi va tasodifan otasi bilan eshakni “haqiqiy dunyo”ga olib o‘tadi. Ularni qaytarib yuboradigan sehrni bilmagani sababli Shrek va eshak o‘z yo‘llarini o‘zlari topishga majbur bo‘lishadi.
Ushbu syujet ijtimoiy tarmoqlarda katta muhokamalarga sabab bo‘ldi. Ko‘pchilik foydalanuvchilar bu g‘oya juda yomon eshitilayotganini aytishdi. Hazil va kinoyali izohlar quyidagicha ko‘rinish oldi:
Shrek Tom Hollandga aylansin, deb yozadi Ushindi.
Bu axir “Smurflar” ning syujeti emasmi, deydi Kanned Has.
Bu hikoyani necha marta qayta gapirish mumkin?, deydi Park Mind.
Ba’zilar esa bu mish-mish haqiqat emasligiga umid bildirishdi. Bir foydalanuvchi esa holatga dramatik ohang berib, film ijodkorlari ertakni o‘ldiryapti degan fikrni ilgari surdi:
Haqiqiy dunyo? Unda ertakka nima bo‘ladi?, ta’kidladi Steez.
Bu mem-film bo‘ladimi?, deb hazillashdi Valrus.
Hozircha “real hayot” deganda jonli aktyorlar bilan suratga olingan film nazarda tutilganmi yoki zamonaviy shahar muhitidagi animatsiya — bu aniq emas. Bu haqda faqat to‘liq treyler chiqqanda yoki 2026-yil 23-dekabrda film premyerasida bilib olamiz.
Izoh (0)