Javohir Sindorov Germaniyada bo‘lib o‘tadigan Grenke Chess Open 2025 turnirida qatnashadi. Mukofot jamg‘armasi 225 ming yevro bo‘lgan musobaqa 17–21-aprel kunlari o‘tkazilishi belgilangan.
Bahslar shveysarcha tizimda bo‘lib o‘tadi. Musobaqada 9 ta tur o‘yinlari o‘tkazilib, g‘olib ochkolar hisobiga ko‘ra aniqlanadi.
Turnirda jami 900 ta ishtirokchi qatnashadi va ular orasidagi 17 ta shaxmatchi 2700+ reyting ochkoga ega bo‘lgan o‘yinchilar hisoblanadi. O‘zbekistonlik Javohir Sindorov ham musobaqaning asosiy favoritlaridan biri sifatida e’tirof etilmoqda. Shuningdek, yaqinda Parijda o‘tgan Freestyle Chess Grand Slam musobaqasi g‘olibi, dunyoning 1-raqamli shaxmatchisi, norvegiyalik Magnus Karlsen ham turnirda ishtirok etadi.
Turnirdagi eng nomdor shaxmatchilar bilan tanishing:
Javohir Sindorov — O‘zbekiston;
Magnus Karlsen — Norvegiya;
Fabiano Karuana — AQSH;
Arjun Erigaisi; — Hindiston
Yan Nepomnyashchiy — Rossiya;
Aravind Chitambaram — Hindiston;
Shaxriyar Mamedyarov — Ozarbayjon;
Uesli So — AQSH;
Levon Aronyan — AQSH.
Eslatib o‘tamiz, yaqinda Nodirbek Abdusattorov Parijda bo‘lib o‘tgan Freestyle Chess Grand Slam musobaqasida ishtirok etdi va turnirni 8-o‘rinda yakunladi.
Izoh (0)