Rossiya va AQSH o‘rtasida Ukrainadagi mojaroni tinch yo‘l bilan hal etish bo‘yicha muzokaralar juda murakkab kechmoqda. Bu haqda Rossiya prezidentining matbuot kotibi Dmitriy Peskov ma`lum qilgan.
“Ukraina kelishuvi mavzusi bo‘yicha ish olib borilayotgan asosiy yo‘nalish bu — Rossiya-Amerika aloqalaridir. Shu sababli hozircha amerikaliklar bilan aloqalarimizga e’tiborimizni qaratmoqdamiz. Ayniqsa, ishlar ancha qiyin rivojlanayotgani sababli”, dedi Kreml vakili.
Shuningdek, Peskov Yevropa davlatlarining Kiyevga urush harakatlarini davom ettirish uchun bosim o‘tkazayotgani borasidagi pozitsiyasidan tashvishga tushganini bildirdi.
“Kiyev rejimi o‘zining an’anaviy usulida harakat qilmoqda. Shu sababli vaziyat osonlikcha hal bo‘lmayapti”, deya qo‘shimcha qildi Peskov.
Ilgari Rossiya rahbarining matbuot kotibi Rossiya Yevropa va Ukrainadan mojaroni hal qilishga yo‘naltirilgan harakatlarni kutayotganini aytgan edi.
AQSH prezidenti Donald Tramp ma’muriyatida Rossiya bilan munosabatlar masalasida kelishmovchiliklar yuzaga kelgani xabar qilingandi. Tramp Baydenni Ukrainadagi mojaroni keltirib chiqarishda ayblagandi
Izoh (0)