AQSHning eng boy aktyorlari top-10 taligi. Birinchi o‘rinda kim ekanini tasavvur ham qilolmaysiz

Aytishlaricha, koreys aktyorlari ham boylik miqdori bo‘yicha amerikalik aktyorlarga tenglasha olmas ekan. Keling, buni tekshirib ko‘ramiz.

10. Leonardo Di Kaprio

Avvaliga o‘smirlarning sevimli yulduzidan rejissyorlarning erkatoyiga, endi esa shunchaki afsonaga aylandi. Di Kaprio doimo murakkab rollarni tanlaydi: “Aviator”, “Muqaddima”, “La’natlanganlar oroli”, “Omon qolgan”. Va nihoyat 2016-yilda “Oskar”. Uzoq kutilgan haykalchani unga shunchaki sabr-toqati uchun ham bersa bo‘lardi.

Boyligi — taxminan 260 million dollar. Gonorarlar juda katta — o‘ziga orol, hashamatli uylar, kvartiralar sotib olgan, dabdabali hayot kechiradi. “Yuqoriga qarama” filmining o‘zi 30 million dollar daromad keltirgan.

Kinodan tashqari, Di Kaprio ekofaollardan biri. Uning jamg‘armasi tabiatni muhofaza qilish va iqlim o‘zgarishiga qarshi kurashga millionlab mablag‘ yo‘naltiradi.

9. Kianu Rivz

Gollivudning hech qachon boshqalarning qoidalariga bo‘ysunmagan, kamtarona hayot kechiradigan millioneri.

U “Forsaj” filmi bilanoq yulduzga aylandi, keyin “Matritsa”da inqilob qildi va “Jon Uik” orqali yana cho‘qqiga qaytdi. Unga hech narsani isbotlashning keragi yo‘q — u shunchaki kadrda ko‘rinishi bilanoq tomoshabin allaqachon uning tarafida bo‘ladi. Chunki Kianu — bu sof xarizma va uslub timsoli.

Boyligi taxminan 380 million dollar. Ammo u metroda yurishni ma’qul ko‘radi, kaskadyorlarga sovg‘alar ulashadi, gonorarining katta qismini xayriyaga sarflaydi.

8. Tom Henks

Hayotlik chog‘idayoq afsonaga aylangan aktyor. Uni hamma sevadi, shunchaki o‘z ishini bajaradi va buni mukammal bajaradi: “Filadelfiya”, “Forrest Gamp”, “Odamlarda yiroqda”, “Terminal”, “Oddiy askar Rayanni qutqarish” — u turli xil insonlarni ijro etgan va har safar unga ishonging keladi.

Aktyorning boyligi taxminan 400 million dollarni tashkil etadi. U qatnashgan filmlar butun dunyo bo‘ylab 9 milliarddan ortiq mablag‘ to‘plagan. Bundan tashqari, u taxminan 150 million dollarlik ulkan ko‘chmas mulkka ega.

7. Mel Gibson

Mel Gibson 80-yillarning qat’iyatli erkagi ramziga “Telba Maks” va “O‘lim quroli” filmlari tufayli aylandi. Keyinchalik rejissyor sifatida “Sheryurak” filmini yaratdi va “Oskar”ni qo‘lga kiritdi.

Keyin hammasi barbod bo‘ldi. Janjallar, mushtlashuvlar, ichkilikbozlik — Gibson o‘zini 10 yilga Gollivuddan chetlashtirdi. Ammo 2016-yilda u Endryu Garfild bosh rolni ijro etgan “Vijdon amri bilan” filmini suratga oldi va kino olamidagi obro‘sini tiklab oldi.

Hozirda uning boyligi taxminan 425 million dollar. U orol, uzumzorlar va hashamatli uylarga egalik qiladi.

6. Robert De Niro

Ba’zilar Robertni buyuk kinoning yuzi deb atashadi: “Taksi haydovchisi”, “Cho‘qintirgan ota II”, “Quturgan buqa”, “Ajoyib yigitlar”.

De Nironing uslubi doimo bir xil — sokin, qat’iyatli, e’tiborli. U o‘ynamayotgandek, balki kadrda shunchaki mavjuddek tuyuladi.

Hozir 80 yoshdan oshgan bo‘lsa-da, u hamon kino suratga tushmoqda, hatto yettinchi marta ota bo‘ldi. 2023-yilda uning qizi tug‘ildi. 2025-yilda u yangi serialda AQShning sobiq prezidenti rolini ijro etdi.

Uning boyligi taxminan 500 million dollar. U katta foyda keltiradigan Nobu restoran va mehmonxonalar tarmog‘ining egasi ham.

5. Jorj Kluni

U “Tez yordam”dagi sevimli shifokor sifatida ish boshlagan bo‘lsa-da, muxlislar armiyasi va “Oskar” mukofoti bilan superyulduzga aylandi. “Oushenning o‘n bir do‘sti”, “Siriana”, “Merosxo‘rlar” kabi filmlarda suratga tushdi.

Biroq u haqiqiy yutuqqa kinoda emas, biznesda erishdi. 2013-yilda do‘stlari bilan Casamigos tekila brendini ishga tushirdi va 2017-yilda uni bir milliard dollarga sotdi. Shundan so‘ng Gollivudda unga hamma havas qila boshladi.

Boyligi taxminan 500 million dollar. Italiya va AQShda hayot kechiradi. Rejissyorlik, prodyuserlik qiladi, qochqinlarga yordam beradi va umuman olganda, kino olish jarayonidan tashqarida ham o‘zini supergahramon kabi tutadi.

4. Tom Kruz

Tom Kruz daromadi bo‘yicha tarixdagi eng boy aktyorlardan biri hisoblanadi. Boyligi 600 million dollar. Boshqalarga nisbatan ko‘p bo‘lmasa-da, u filmlarning kassadan tushgan daromadidan ulush oladi. “Top Gan: Meverik” uchun u faqat prokat daromadidan 100 million dollardan ortiq mablag‘ oldi.

Shaxsiy hayotida Nikol Kidman va Keti Xolmsni qo‘shganda uch marta uylangan.

3. Dueyn Jonson

Bir paytlar u kurash olamining qiroli edi. Keyin to‘satdan kinoga o‘tdi va sayyoramizning eng talabgir aktyorlaridan biriga aylandi. “Forsaj”, “Jumanji”, “San-Andreas yorig‘i”, “Qora Adam” kabi u qatnashgan filmlar muntazam ravishda yuz millionlab daromad keltirmoqda.

Har bir loyiha uchun 20-30 million dollarlik gonorar oladi. Shuningdek, u qariyb bir milliard dollarga baholangan Teremana tekila brendini ham yo‘lga qo‘ydi. 2025-yilga kelib uning boyligi taxminan 800 million dollarni tashkil etishi kutilmoqda.

2. Jerri Saynfeld

U NyuYork klublarida oddiy stendap-komik sifatida ish boshladi, keyin esa “Saynfeld” serialini yaratdi — 9 ta mavsum, yuzlab seriyalar, millionlab tomoshabinlar.

Shou dastlab jonli tomoshabinlar oldida suratga olingan. Jerri tomoshabinlarni shu qadar o‘ziga jalb qila olardiki, uning kadrdagi har bir chiqishi tomoshabinlarni aqldan ozdirar edi.

Uning boyligi — 1,1 milliard dollar. Serial hali ham pul keltiradi: takrorlar, striming, litsenziyalar. Bundan tashqari, yangi loyihalar, chiqishlar, komediya shoulari, Comedians in Cars Getting Coffee YouTube seriali shular jumlasidan.

1. Tayler Perri

U noldan boshlagan. Bolaligi qashshoqlik, zo‘ravonlik va tirikchilik bilan o‘tgan. Hayotidagi burilish nuqtasi pyesalar yozishni boshlaganda sodir bo‘lgan.

Uning sahnasi qora komediya, kuchli his-tuyg‘ular va o‘zi parik hamda ko‘ylak kiyib o‘ynagan Medeya buvi obrazidan iborat edi. Medeya haqidagi filmlar yuz millionlab daromad keltirdi.

Keyinchalik u Atlantada Tyler Perry Studios nomli shaxsiy kinostudiyasini ochdi. 2020-yilda esa rasman milliarderga aylandi.

Hozirda uning boyligi 1,4 milliard dollar deb baholanmoqda. U asarlar yozadi, rejissyorlik qiladi, prodyuserlik bilan shug‘ullanadi va barcha kontentining mualliflik huquqlarini o‘zida saqlab qoladi.

Xullas, ayrim aktyorlar mavjud qoidalarga yaxshi moslashgan bo‘lsa, Tayler esa bu qoidalarni o‘ziga moslab yaratadi. U kam ta’minlangan odamlarga yordam beradi.

Umuman olganda, u haqda ko‘pchilik eshitmagan. Buning sababi shundaki, boshqalar birinchi bo‘lish musobaqasida ovora bo‘layotgan bir paytda, u o‘z ishini qilishni afzal ko‘radi.