Gollivud aktyori Dueyn Jonson 2024-yilda eng ko‘p maosh oluvchi aktyorlar ro‘yxatida birinchi o‘rinni egalladi. Bu haqda Forbes nashriga tayanib Kino.mail.ru xabar berdi.
Ma’lumotlarga ko‘ra, aktyor o‘tgan yilda 88 million dollar ishlab topgan. Ushbu daromadning katta qismi “Qizil” nomli yangi yil bayrami mavzusidagi komediyasidagi roli va Disneyning “Moana 2” multfilmida Maui obraziga bergan ovozidan kelib tushgan.
Eng ko‘p maosh oladigan aktrisalar reytingida aktrisa Nikol Kidman yetakchilik qildi va umumiy ro‘yxatda sakkizinchi o‘rinni egalladi: uning bir yillik daromadi 31 million dollarga yetdi.
Yuqori miqdorda gonorar oladigan san’atkorlar ro‘yxatida Rayan Reynolds (85 million dollar), Kevin Hart (81 million dollar), Jerri Synfeld (60 million dollar), Hyu Jekman (50 million dollar), Bred Pitt (42 million dollar), Jorj Kluni (31 million dollar), Adam Sendler va Uill Smit (har biri 26 million dollar) kabi aktyorlar ham kiritildi.
Foto: Kino.mail.ru
Forbes nashri mazkur reytingni tuzishda Gollivud yulduzlarining rejissyorlik, aktyorlik yoki prodyuserlik faoliyatidagi barcha loyihalarni hisobga olgan.
Izoh (0)