Film va seriallarda rol ijro etmay turib, ulardan mo‘maygina gonorar olgan aktyorlar (foto)

2011-yilda Jonni Depp Ember Hyord bilan tanishadi. Ushbu juftlikning munosabatlari bir necha yil davom etib, 2016-yilda turmush qurganidan so‘ng, yakunlanadi. Tez orada Ember Jonni unga nisbatan jismoniy zo‘ravonlik qilgani haqida e’lon qiladi, bu esa ko‘plab yirik nashrlar tomonidan ovoza qilinib, natijada Depping karyerasiga ta’sir qiladi. U barcha rollaridan, jumladan, “Karib dengizi qaroqchilari”dagi Jek Chittak va “Jodu saltanati”dagi Grindelvold rolidan mahrum bo‘ladi. Shuni ta’kidlash kerakki, Grindelvold rolini yo‘qotish unga unchalik og‘ir botmaydi. Kinostudiya unga majburiyatlaridan voz kechishni taklif qilib, bu uchun 10 million dollar to‘lashadi, bu pulni “Dambldor sirlari”da suratga tushganida ham olish mumkin edi. Studiya, agar Jonni filmda qolsa, tomoshabinlar tomonidan tanqidga uchrashidan qo‘rqardi, lekin uni ishdan haydash mumkin bo‘lmagani sababli unga shuni taklif qila olishgan, xolos.

Marlon Brando — “Juda qo‘rqinchli kino-2”

“Juda qo‘rqinchli kino-2” filmida MakFilining otasi rolini Jeyms Vuds ijro etgan, ammo aslida bu rolga Marlon Brando tasdiqlangan edi. Marlon suratga olish maydonchasida faqat bir kun bo‘lib, sog‘lig‘i bilan bog‘liq muammolar tufayli deyarli hech narsa suratga olisholmaydi. U o‘ziga tegishli replikalarini eslab qololmasdi, eslab qolganlarini ham aytishga ulgurmasdi. Chunki unga kislorod yetishmasdi, shuning uchun har doim tanaffus qilib, kislorodli maska ​​taqib, o‘zini tiklashi kerak edi. Natijada film direktorlari Brandoni majburan uzrli tarzda chetlatishadi, buning uchun studiya unga 2 million dollar to‘laydi.

Bir necha aktyorlar — “Garri Potter va maxfiy hujra”

“Garri Potter va hikmatlar toshi” filmini suratga olishdan oldin Jeyms Makavoy Tom Reddl roliga tasdiqlanadi, ammo bir shart bilan. Film ijodkorlari undan tashqari yana 10 ga yaqin aktyorni rolga sinab ko‘radi, chunki hali kimni tanlashni bilishmasdi. Studiya Tom Reddl roliga kim ko‘proq mos kelishini hal qilgunga qadar keyingi yetti oy davomida hech qayerda suratga tushmaslik sharti bilan Jeyms va, ehtimol, boshqalarga ham 45 ming funt sterling taklif qiladi. Jeyms boshqa aktyorlarni tanimasdi, o‘zi esa bu taklifni rad etadi, chunki uning uchun pulni olib, bekorga kutib o‘tirgandan ko‘ra ishlash muhimroq edi. Tom roli esa oxir-oqibat Kristian Kolusonga nasib qiladi.

Nikolas Keyj — “Supermen tirik”

1990-yillarda Nikolas Keyjning karyerasi “Yuzsiz”, “Havo qamoqxonasi” va “Qoya” kabi filmlar tufayli eng yuqori cho‘qqiga chiqqanida, u Tim Byorton tomonidan suratga olinishi kerak bo‘lgan “Superman tirik” filmida Supermen roliga tasdiqlanadi. Biroq navbatdagi superqahramon filmi ishlari cho‘zilib ketadi. Timning tan olishicha, ular tinimsiz yig‘ilishlar o‘tkazgan, ammo hech qanday siljish bo‘lmagan va nihoyat, suratga olish boshlanishidan uch hafta oldin studiya filmni to‘xtatgan va unga ajratilgan byudjetni “Yovvoyi, yovvoyi G‘arb” filmiga bergan, keyinchalik u prokatda muvaffaqiyatsizlikka uchragan. Har doim Supermen rolini o‘ynashni orzu qilgan Nikolas Keyj bu rolni o‘ynolmagan, ammo vaqt sarflagani uchun yaxshigina pul olgan. Turli ma’lumotlarga ko‘ra, unga 4 million dollardan 20 million dollargacha pul to‘langan va bunday katta yugur-yugurga qaramay, hatto minimal summa ham ko‘pchilik aktyorlar gonoraridan ko‘p.

Harrison Ford — “O‘zga sayyoralik”

1982-yilda o‘zga sayyoraliklar haqida ikkita mashhur film — “Hech narsa” va “O‘zga sayyoralik” bir vaqtning o‘zida ekranlarga chiqdi. E’tiborga loyiq tomoni shundaki, “Hech narsa” o‘sha paytda prokat jarayonida muvaffaqiyatsizlikka uchraydi. Buning sababi filmning o‘zga sayyoraliklarga nisbatan tajovuzkorroq yondashuvni aks ettirgani va “O‘zga sayyoralik” fonida noqulay vaziyatda qolgandi. “O‘zga sayyoralik” esa o‘zining bolalarbop reytingi tufayli ancha ko‘proq tomoshabin to‘play oldi va oilaviy filmga aylandi. “Hech narsa”ni “Nyu Yorkdan qochish” filmi bilan mashhur bo‘lgan Kurt Rassel ham qutqara olmaydi. “O‘zga sayyoralik”da esa aksincha, katta yulduzlar yo‘q edi va asosiy aktyorlar tarkibi asosan bolalardan iborat edi. Shunga qaramay, Spilbergning Gollivud mashhurligini qo‘shish imkoniyati bor edi. U o‘sha paytda karyerasining cho‘qqisida bo‘lgan Harrison Fordga murojaat qiladi va unga epizodik rol taklif etdi. Biroq u bilan bir nechta sahnalarni suratga olgandan so‘ng, Spilberg barcha suratga olingan lavhalarni kesib tashlaydi. Stiven Harrison butun aktyorlik tarkibini ortda qoldirib, tomoshabin faqat unga e’tbor qaratishidan qo‘rqadi.

Erik Shtols — “Kelajakka qaytib”

Robert Zemekis “Kelajakka qaytib” filmida Marti Makflay roliga aktyor izlayotganida, Maykl Jey Foksga murojaat qilgan, ammo u “Oilaviy aloqalar” serialida suratga tushayotgani sababli taklifni rad etgan. Studiya Robertni istiqbolli dramatik aktyor Erik Shtolsni olishga ko‘ndirgan. Erik chindan ham iste’dodli aktyor edi, biroq u Marti Makflay rolini haddan ziyod dramatik tarzda ijro etadi va natijada Zemekis uni ishdan bo‘shatishga majbur bo‘ladi. Studiya Shtolsga baribir haq to‘laydi, ammo bu uni unchalik xursand qilmaydi. Chunki uning aktyorlik faoliyati endigina boshlangan edi va u haqiqiy yulduzga aylanish uchun eng yaxshi imkoniyatini boy bergandi. Shundan so‘ng Robert Zemekis yana Foksga murojaat qiladi va u filmda rol o‘ynashga rozi bo‘ladi.