Agar ular filmda bosh rollarni o‘ynashga rozi bo‘lgan bo‘lsalar, unda oxirigacha borishlari kerak. Qaysi aktyorlar filmlardagi xavfli nuqtalarni kaskadyorlarga topshirmasligini bilishni xohlaysizmi?
Rayan Gosling
To‘g‘ri “Barbi”dagi Ken roli Rayan Goslingdan hech qanday xavfli tryuklarni talab qilmadi. Lekin aktyorlik faoliyatida har xil holatlar bo‘lgan. Masalan, “Oydagi odam” filmini suratga olish vaqtida u miya chayqalishiga uchragan. Yaqinda suratga olingan “Kaskadyorlar” filmida esa u balandlikdan qo‘rqishini tushunib yetdi.
“Men osilib turganimda tanam toshga aylandi. Balki bu bolalarim paydo bo‘lganidan keyin boshlangandir. Haqiqatan ham, siz avvalgi va hozirgi har qanday ishlaringizga boshqacha qaray boshlaysiz”, dedi Gosling.
Biroq shunday bo‘lsada 12 qavatli binodan tushish tryukini u o‘zi bajargan.
Tom Kruz
Gollivuddagi asosiy ekstremal — Tom Kruz. Aktyorning hech bir filmi xavfli sahnalarsiz o‘tmaydi. Lekin eng aqlga sig‘maydigan ishlarni u “Uddalab bo‘lmas topshiriq” filmida bajargan. Masalan, oxirgi qismida.
-kqpQmuht.avif)
“190-210 kilometr tezlikda yurganda kabinadan boshingizni chiqarsangiz, kislorod ololmaysiz, shuning uchun men nafas olishni o‘rganishga majbur bo‘ldim. Hushimdan ketib, kabinaga qayta olmay qolgan holatlarim ham bo‘lgan”, dedi Tom sahnalardan biri haqida.
Biroq bu Kruz suratga olish jarayonida qilgan ishlarining bir qismi xolos.
Anya Teylor-Joy
Anya Teylor-Joy va uning hamkasbi Maylz Teller uchun “Dara” filmini suratga olish haqiqiy sinov bo‘lgan. Va ular uchun eng qiyini hayvonlar bilan janglar emas, balki tog‘ga chiqayotgan jip bilan sahna bo‘lgan.
-iFfvom7j.avif)
“Biz deyarli kompyuter grafikasidan foydalanmadik, shuning uchun daranіng katta qismi suratga olish maydonchasida qurilgan. Ha, siz ko‘rgan barcha narsalarni o‘zimiz bajarganmiz. Biz akrobatik tryuklarni bajarayotganimizda sekin-asta yuqoriga ko‘tarilib borayotgan jip edi”, dedi aktrisa.
Tom Xolland
“O‘rgimchak odam” roli uchun Tom Xolland har doim bir-ikki marta salto qilishga tayyor. Va aktyorning hamkasblari bunday yondashuvni qadrlaydilar. Faqat eng murakkab tryukini u “Ancharted: Xaritalarda yo‘q” filmida bajargan.
-cYnAbFbx.avif)
“Baʼzida men 30 metr balandlikda havoda aylanuvchi sandiqqa bog‘langan holda bo‘lardim va u meni tashlab yuborguncha ushlab turardim. Bu juda qo‘rqinchli edi, lekin menimcha bunday darajadagi qo‘rquv sahnani haqqoniyroq qiladi”, dedi aktyor.
Mishel Yeo
Har bir filmda albatta, dublyorlar bo‘ladi. Lekin Mishel Yeoga ular kerak emas. Aktrisa xavfli sahnalarda shaxsan o‘zi ishtirok etishni afzal ko‘radi. “Hamma joyda va bir vaqtda” filmi ham bundan mustasno emas. Film nomining o‘zi Mishel uchun suratga olish boshlanishidan oldinoq shior bo‘lgandek go‘yo.
-zIYledf1.avif)
“Jangovar sanʼatlar meni Gonkongda aktyorlik faoliyatimni ilk boshlagan paytimga, bu aqlga sig‘maydigan tryuklarni o‘zim bajarganimdagi vaqtga qaytardi”, dedi u.
Yeoning ishiga hamkasblari qanday munosabatda bo‘ladi? Ular hayratda. Lekin aktrisa baʼzi tryuklarni bajarish huquqi uchun prodyuserlar bilan tortishishga majbur bo‘ladi.
Margo Robbi
“Barbi” dagi rolidan keyin Margo Robbini jangchi rolida tasavvur qilish qiyin. Lekin u bir necha filmda Xarli Kvinn rolini o‘ynagan. Va bunday rollar bilan baʼzida tavakkal qilishga to‘g‘ri keladi.
“Filmga olish jarayonlarida uning dublyor qizi ko‘pincha faqat tomosha qilish bilan cheklanadi. Ammo u har doim sahnaga chiqish arafasida ekanini o‘ylaydi, lekin Robbi tryuklarni o‘zi bajaraveradi”, dedi “O‘z joniga qasd qiluvchilar otryadi” filmining prodyuseri Endi Xorvits.
-f1xCEL5G.avif)
Aytish kerakki, “Yovvoyi qushlar: Xarli Kvinnning ajoyib hikoyasi” filmida ham Margo bir nechta xavfli sahnalarda shaxsan o‘zi ishtirok etgan. Joker undan faxrlangan bo‘lardi.
Izoh (0)