Koreys aktyor va aktrisalari Gollivudni faol egallamoqda. Mazkur aktyorlar o‘zlarining esda qolishi qiyin bo‘lgan nomlarini allaqachon Gollivud tarixiga yozib qo‘ydi.
Pe Du Na
Loyihalar: “Bulutli atlas”, “Yupiterning yuksalishi”, “Sakkizinchi tuyg‘u” Netflix seriali, “Isyonkor oy” (1,2 qism).
Gollivudga prodyuserlarning emas, o‘zining talanti va xarizmasi tufayli kirib kelgan betakror aktrisa.
U xalqaro kinofestivallardagi filmlarda ko‘rinish bergach, rejissyorlar – opa-singil Vachovskilar (ular “Matritsa” filmini suratga olishgan) e’tiboriga tushadi. Shundan so‘ng ular aktrisani o‘z loyihalariga taklif qilishadi.
Ularning birinchi loyihasi 2012-yilda suratga olingan “Bulutli atlas” filmi bo‘ldi. Bu filmda Pe Du Na eng muhim rollardan birini ijro etgan va film atmosferasiga mukammal tarzda mos kelgan.
Shundan so‘ng unga Gollivuddan boshqa takliflar ham kela boshlaydi. U Vachovskilar bilan hamkorlikni davom ettirib, Netflix’ning kult seriali “Sakkizinchi sezgi”da ishtirok etadi.
Ma Don Sok
Loyihalar: “Umrboqiylar” (Marvel).
-EfmLQFn3.png)
Ma Don Sok — ajoyib tipajli aktyor bo‘lib, u gangsterga ham, politsiyachi rollariga ham mos keladi va qo‘rqinchli ko‘rinsa-da, ammo yaxshi yigitlarni ham a’lo darajada ijro etadi.
Ammo uni Marvel’ning eng omadsiz loyihalaridan biri – “Umrboqiylar”ga chaqirishadi. Faqat bitta maqsadda – ularga osiyolik auditoriya kerak edi.
“Umrboqiylar” filmi tezroq pul ishlashni maqsad qilgan holda shoshilinchda yozilgan filmdek taassurot qoldiradi. Ajoyib aktyorlardan boshqa, filmda “ajoyib” deb atash mumkin bo‘lgan narsa deyarli yo‘q.
Shunga qaramay, Ma Don Sokning iste’dodini inkor etib bo‘lmaydi – qaysi filmda rol o‘ynamasin, u har doim rolini mahorat bilan ijro etadi.
Ma Don Sok – zamonamizning eng talabgir aktyorlaridan biri va u Gollivudning muvaffaqiyatsiz filmlarida rol o‘ynash zaruratisiz ham butun dunyoda mashhur.
Klaudia Kim, haqiqiy ismi Kim Su Hyun
Loyihalar: “Qasoskorlar: Altron davri” va “Fantastik maxluqlar: Grin-de-Vald jinoyatlari”
-htvDrdVC.png)
Kim Su Xyon “Qasoskorlar” filmiga kasting orqali keladi. Marvel aynan doktor roliga osiyolik aktrisa izlayotgan edi va xalqaro tajriba hamda mukammal ingliz tili aktrisaga ushbu loyihada qatnashishiga yordam beradi.
“Qasoskorlar” filmidagi roli epizodik bo‘lsa-da, bu rol unga boshqa katta loyiha – “Ajabtovur maxluqlar”da ishtirok etish imkonini berdi. U bu filmda g‘ayrioddiy, hatto ekzotik deyish mumkin bo‘lgan obraz – Nagayna, tavqi la’nat tufayli ilonga aylanuvchi qizni o‘ynaydi. Bu rol ko‘plab muhokamalarga sabab bo‘ladi, chunki “Garri Potter”ga ko‘ra, Nagayna ismni tilga olish mumkin bo‘lmagan ilon edi.
Bu loyiha tufayli aktrisa Gollivudda o‘z o‘rnini mustahkamlab oldi.
Li Chon Je
Loyihalar: “Kalmar o‘yini” seriali muvaffaqiyatidan so‘ng, u “Yulduzlar jangi: Akkolit” loyihasida ishtirok etdi.
-p-7khIR6.png)
“Kalmar o‘yini” seriali tufayli Li Chong Je xalqaro sahnada eng ko‘p muhokama qilinadigan koreys aktyorlaridan biriga aylandi.
Shuningdek, bu rol va o‘zining iste’dodi tufayli aktyor “Emmi” mukofotiga loyiq ko‘rilgan.
Serialning muvaffaqiyati Li Chong Jega “Yulduzlar jangi” loyihasiga kirishga imkon beradi. U bu filmda asosiy qahramonlardan birini o‘ynaydi.
Stiven Yon
Loyihalar: “Murdalar”, “Minari”.
--bIkxcOR.png)
Umuman olganda, Stiven kelib chiqishi koreys bo‘lgan amerikalik aktyor. Shunga qaramay, uning Gollivuddagi loyihalarda ishtirok etishi osiyolik aktyorlarning mavqeyini mustahkamlashga yordam berdi. U hatto Gollivudda osiyolik aktyorlarning ahamiyatini ifodalovchi timsolga aylandi.
Uni mashhur qilgan seriallardan biri bu 2010-yildan 2020 yilgacha efirga uzatilgan “Murdalar” edi. Uning personaji tomoshabinlar orasida eng sevimlilardan biriga aylandi.
Bu katta muvaffaqiyatdan so‘ng, 2020 yilda uni “Minari” filmida rol ijro etishga taklif qilishdi. Ushbu film keyinchalik “Xorijiy tildagi eng yaxshi film” nominatsiyasida “Oltin globus”ni qo‘lga kiritdi.
Bu mukofot qizg‘in bahs-munozaralarga sabab bo‘ldi, chunki “Minari” — Amerika filmi bo‘lsa-da, undagi dialoglar koreys tilida edi.
Yun Yo Jon
Loyihalari: “Minari”
-5_KJAzNo.png)
Yun Yo Jong Janubiy Koreyaning eng hurmatli aktrisalaridan biri. Uning faoliyati 1970-yilda boshlangan. “Minari”da u ikkinchi darajali epizod — buvi rolini o‘ynaydi. Aktrisa o‘z rolini shu qadar mohirona ijro etadiki, bu roli uchun “Oskar” oladi.
Yun Yo Jon aktyorlik nominatsiyasida “Oskar” bilan taqdirlangan birinchi koreys aktrisasiga aylandi, bu uning uchun ham, butun Osiyo kinematografiyasi uchun ham tarixiy voqea bo‘ldi.
Izoh (0)