Mazkur aktyorlar rollari uchun muhim mukofotga sazovor bo‘lgan, ammo aynan shu obrazi tufayli o‘z salomatligiga putur yetkazgan.
Marlon Brando
-gIzmSq-_.webp)
Yigirmanchi asrning eng mashhur aktyorlaridan biri aynan Marlon Brandodir. Karyerasi davomida u “Oskar”, “Oltin globus” va Britaniya kinoakademiyasining uchta mukofoti bilan taqdirlangan. Marlon 1950-yilda suratga olingan “Erkaklar” filmidayoq olamshumul mashhurlikka erishgan. Ushbu filmda aktyor yaralanib, oyoqlari falaj bo‘lib qolgan leytenant Ken Vilchek rolini ijro etgan. Tiklanish ehtimoli kam bo‘lgani sababli Ken depressiyaga tushib qoladi.
Qahramonini haqqoniy tasvirlash uchun yulduz butun bir oy davomida harbiy kasalxonada yashagan. U yerda oyoq-qo‘llari bo‘lmagan erkaklarning xatti-harakatlarini, palatada qanday harakat qilishlarini va ularning hissiy holatini kuzatgan. Brando ularga o‘xshashga harakat qilgan, faqat qo‘llaridan foydalangan holda yotog‘idan o‘rnidan turib, nogironlar aravachasiga o‘tirishni o‘rgangan.
Qizig‘i shundaki, kasalxonada aktyor qo‘lsiz askar bilan do‘stlashgan. U Marlonga qo‘lsiz sigareta chekishni o‘rgatgan.
Runi Mara
2011-yilda Runi “Ajdar tatuirovkali qiz” detektiv trillerida bosh rolni o‘ynagan. Ajoyib ijrosi uchun aktrisa “Oskar” mukofotiga nomzod bo‘ladi. Lekin bu rol oetida mashaqqatli mehnat yotganini ko‘pchilik bilmaydi.
Mara nafaqat uzun sochlarini kesib, ularni qora rangga bo‘yagan, balki qoshlarini ham qirdirib, pirsing qildiradi. Shuningdek, aktrisa, qahramoni haqiqiy chiqishi uchun qattiq diyetaga amal qiladi.
“Bilasizmi, kitobdagi qahramonim ba’zida 14 yosh deb o‘ylash mumkin bo‘lgan qiz sifatida tasvirlangan, va bu biz uchun juda muhim edi. Menimcha, bu qahramonning juda muhim jihati, uni yanada qiziqarli va murakkab qiladi. U bola kabi, ammo yoshiga qaraganda aqlli. Bu filmni aktyorlik karyeramda katta bir tajriba sifatida qabul qildim”.
Mettyu Makkonahi
Mettyu uchun 2013-yilda “Dallas klubi xaridorlari” filmidagi Ron Vudruf rolini o‘ynash sinov bo‘lgan. Mazkur roli uchun aktyor past kaloriyali diyetaga o‘tgan. Filmda Makkonahi faqat 64 kilogacha ozgan, bu unga kasal odamni tasvirlashda yordam bergan, chunki u o‘zini aynan shu tarzda his qilgan.
Aktyor bir necha bor bosh og‘rig‘i, ko‘rish qobiliyatining yomonlashuvi, og‘riqlar va asabiylashishni boshdan kechirgan. Suratga olish ishlari tugagach, birinchi qilgan ishi — McDonald’sga borib, fastfud sotib olgan.
Hit Lejer
Hit Lejerni Joker roliga tanlaganlaridan so‘ng, u darhol o‘z qahramonini o‘rganishga kirishgan.
Shu maqsadda aktyor 43 kun davomida odamlar bilan aloqasiz yashadi, Jokerga emotsional tarzda moslashish uchun faqat bir necha soat uxlagan xolos. Bu orqali u o‘zida qasoskorlik va g‘azab hislarini uyg‘otgan. Bundan tashqari, Lejer qahramoni nomidan shaxsiy kundalik tutgan va unga gazetalardan ofatlar haqidagi yangiliklarni, komiks sahifalarini va “Murvatli apelsin” filmidan sahnalarni yopishtirgan.
Hitning hamkasblari u organizmini zo‘riqtirib, uyqusizlikka chalinganini va shu bilan hayotini xatarga qo‘yganini aytishgan. Suratga olish ishlari tugagach, aktyor katta dozadagi uyqu tabletkalari va og‘riq qoldiruvchi dorilar ichgan va bir kuni kvartirasida o‘lik holda topilgan. Rasmiy izoh — dori moddalari bilan zaharlanish.
Bu rolni ijro etgani uchun Lejerga o‘limidan keyin “Oskar” mukofoti beriladi. Shuningdek, u komiks asosida suratga olingan filmda rol ijro etgan birinchi aktyor bo‘lib, bu film uchun uoltin statuetkani qo‘lga kiritadi.
Demi Mur
1996-yilda aktrisa Demi Mur “Askar Jeyn” harbiy trillerida bosh rolga tayinlandi. Ushbu rol uchun u uzun sochlarini kestiradi.
Bundan tashqari, u roli uchun mushakdor bo‘lishi kerak edi. Bir necha oy davomida u sobiq harbiy Skott Helvenston bilan shug‘ullanib, bir qo‘li bilan “otjimaniya” qilishni o‘rganadi. Bundan tashqari, har kuni 3 kilometr yugurishga chiqadi, suzish havzasiga boradi va 100 ta qorin qisish mashqlarini bajargan.
Ammo kinotanqidchilar Demi Mur ijrosini e’tirof etmagan va unga “Oltin malina” mukofotini topshirganlar (bu mukofot yomon ijro etgan rollar uchun beriladi).
Izoh (0)