Oramizda kim sevimli turk yulduzlari bilan suratga tushishni yoki ulardan dastxat olishni istamaydi? Agar Istanbulga sayohat qilishni rejalashtirmoqchi bo‘lsangiz va sevimli aktyoringizni Turkiyada uchratib qolishni qilishni orzu qilsangiz, quyidagi maqola siz uchun.
Turk yulduzlarining Gollivud yulduzlaridan asosiy farqi shundaki, ular muxlislar bilan muloqot qilishga doimo tayyordir. Dizi mashhurligi ortib borsa ham aktyorlar o‘z tomoshabinlariga doim hurmat bilan munosabatda bo‘ladi. Ular muxlislari bilan hatto bir necha daqiqa suhbat qurishi ham mumkin. Qiziqarlisi, turk yulduzlari ko‘pincha bir xil joylarga tashrif buyuradi, bu esa sevimli aktyor bilan uchrashish ehtimolini sezilarli darajada oshiradi. Ro‘yxatimizda bir nechta savdo markazlari, restoranlar va Istanbulning mashhur ko‘chalari o‘rin olgan.
Zorlu Center savdo markazi
Manzil: Istanbul, Beshiktosh tumani, Levazim mahallasi, Koru ko‘chasi, 2-uy
Ushbu savdo markazi ko‘plab turk yulduzlarining sevimli joyidir. Bu yerda doimiy ravishda paparatssilarni ko‘rish mumkin, chunki Taro Emir Tekin, Kerem Bursin va boshqa mashhurlarning do‘konga ketayotgani tasvirlari aynan shu markazda suratga olinadi. Zorlu asosan qimmatbaho brendga do‘konlaridan iborat. U Istanbulning Yevropa qismida joylashgan.
Emaar Square Mall savdo markazi
Manzil: Istanbul, Uskyudar tumani, Unalan mahallasi, Libadiye ko‘chasi, 82 E-uy
Yulduzlar tez-tez xaridlar qiladigan yana bir katta savdo markazi Istanbulning Osiyo qismida joylashgan. Uning yaqinida Qiz minorasi bor, u yerda ham tez-tez turk seriallari suratga olinadi.
Emaar Square Mall’da o‘rtacha byudjet uchun mos do‘konlar ham mavjud, ushbu savdo markazida Burak O‘zchivit va uning rafiqasi Fahriye Evjen bilan uchrashib qolish mumkin, chunki judftlik doimiy shu yerga tashrif buyuradi.
Turk seriallari suratga olinadigan mashhur joylar
Deyarli barcha turk seriallari bir xil joylarda suratga olinadi. Buni haqiqiy dizi ixlosmandlari allaqachon sezgan bo‘lishi shubhasiz.
Ulardan Sariyer tumani eng mashhur joylardan biri sanaladi. U Istanbulning Yevropa qismida joylashgan va juda chiroyli manzaraga ega. Bu yerda “Qalbim eshigini qoq” va “Taqiqlangan sevgi” kabi loyihalarning ba’zi sahnalari suratga olingan.
Bosfor bo‘g‘ozi manzarasi oldida tushlik qilish va o‘zingizni dizi qahramoni kabi his qilishni istasangiz, Ruby restoraniga tashrif buyurishingiz mumkin. Bu yerda mashhur loyihalardagi qahramonlarining kechki ovqatlari va uchrashuvlari suratga olingan.
Bebek tumani
Istanbulning mazkur hududi ko‘plab sayyohlarni o‘ziga jalb qiladi. Turkiyaga kelgan Gollivud yulduzlari ham shu yerda qolishni afzal ko‘rishadi. Buning sababi hashamatli restoranlar, tungi klublar va konsert zallarining ko‘pligidadir.
Foto: The Girl
“Qo‘rg‘on sirlari” va “Qizil sharbat” seriallarida aks etgan go‘zal plyaj sahnalari aynan shu yerda suratga olingan. Bu yer “turkcha Monako” deb ataladi. Bundan tashqari, Bebek tumanida diqqatga sazovor joylar: go‘zal masjid, muzeylar ko‘p. Misrning Turkiyadagi elchixonasi joylashgan sobiq Valide posho saroyi ham shu yerda.
Arnavutkoy tumani
Mazkur hudud Bebek tumaniga yaqin bo‘lib, bu yerda Usmonli imperiyasining go‘zal yog‘och me’morchiligidan bahramand bo‘lish, kemalarda sayr qilish mumkin. Arnavutkoy tumanida tez-tez suratga olish guruhlari paydo bo‘ladi, chunki bu maskan o‘zining ajoyib tabiati tufayli turk seriallari uchun ayni muddaodir.
Masa restorani
Manzil: Istanbul, Sariyer tumani, Qatar ko‘chasi, 2-uy
Ushbu restoran mazali taomlar va noodatiy interyerlari bilan turk yulduzlarining diqqatini jalb qilgan. Masa restoranida Hande Erchel va boshqa mashhur aktrisalar u ovqatlanadi.
Backyard restorani
Foto: The Girl
Manzil: Istanbul, Bebek tumani, Bebekoy ko‘chasi, 4-uy
Bu restoranning Bebek shahrida joylashgani allaqachon u yerda turk aktyori yoki aktrisasini uchratish mumkinligini tasdiqlaydi. Bu yerga dizi olamining eng mashhur namoyondalari tashrif buyuradi. Uning yaqinida ko‘plab diqqatga sazovor joylar mavjud.
Izoh (0)