“Oskar” mukofoti kino sanoatidagi eng muhim va nufuzli mukofotlardan biri hisoblanadi. Uning otasi — Metro-Goldwyn-Mayer kinostudiyasining asoschisi Luis Bart Mayer hisoblanadi. Mukofot topshirish marosimi har yili o‘tkaziladi.
Har doim bu mukofot bilan bog‘liq ko‘plab voqealar ro‘y bergan. Masalan, ba’zi mashhurlar oltin odamchani boykot qilishgan, boshqalari esa muhim ishlar bilan band bo‘lib, tantanali marosimni o‘tkazib yuborgan.
Elizabet Teylor
Afsonaviy Elizabet Teylor “Kleopatra”, “Qaysarning quyilishi”, “Tokchadagi mushuk”, “Virjiniya Vulfdan kim qo‘rqadi?” kabi filmlar yulduzi bo‘lib, uch marta “Oskar” mukofotiga sazovor bo‘lgan. Ikki marta “Eng yaxshi ayol roli” nominatsiyasida “Batterfield 8” va “Virjiniya Vulfdan kim qo‘rqadi?” filmlari uchun, uchinchi marta esa maxsus mukofot (insonparvarlikka qo‘shgan ulkan shaxsiy hissasi uchun) olgan.
1967-yilda, ikkinchi mukofotiga sazovor bo‘lganini bilganida aktrisa Rixard Barton bilan turmush qurgandi. U “Virjiniya” filmida ishtirok etgan va mukofotga nomzod bo‘lgan. Ammo ilgari ham to‘rt marta mukofotga nomzod bo‘lgan, lekin hech qachon g‘olib bo‘lmagandi. Teylor bu safar ham yutqazishiga ishonib, tadbirga borishni rad etadi.
Aktrisa sevimli eri bilan uyda qoladi, ammo keyinchalik Elizabet: “Rixard meni uyda qolishga ko‘ndirgandi”, deb aytgan. Aynan shu kuni u mukofotga loyiq ko‘riladi.
Marlon Brando
1973-yilda “Cho‘qintirgan ota” filmi mukofotlar bo‘yicha katta yutuqqa erishadi — u eng yaxshi film, ssenariy va aktyorlik ijrosi uchun “Oskar”ni qo‘lga kiritdi. Oxirgisi Marlon Brandoga nasib etadi. Uni deyarli barcha ayollar sevardi, erkaklar unga o‘xshashni istardi, kino sanoatida esa uni murakkab, injiq va ayni paytda zaif inson sifatida ta’riflashardi.
U birinchi “Oskar”ini 1955-yilda “Portda” dramasi uchun qo‘lga kiritdi. Bu haykalchani qabul qilib, eshikka tirgovich sifatida ishlatdi. Ikkinchi mukofotni esa Marlon olmadi: 1973-yilda uni “Cho‘qintirgan ota” filmidagi eng yaxshi aktyor deb e’tirof etishadi, ammo u marosimga hind libosidagi noma’lum aktrisa — 20 yoshli Sashin Peroni yuboradi va u aktyorning xatini sahnada o‘qib beradi.
Bunga marosimdagilarning munosabati turlicha bo‘ladi: ba’zilar olqishlasa, boshqalari hushtak chalib, aktyorni masxara qilishadi.
Eminem
Reper mukofotdan voz kechmagan, balki marosimga o‘z ixtiyori bilan kelmagan. Bu voqea 2003-yilda sodir bo‘lgan. Bir yil avval Eminem bosh rolni ijro etgan “8 milya” filmi ekranlarga chiqadi, musiqachi filmda suratga tushishdan tashqari u uchun qo‘shiqlar ham yozadi. “Lose Yourself” treki uchun esa unga “Eng yaxshi original qo‘shiq” nominatsiyasida “Oskar” mukofoti beriladi, ammo san’atkor bunga umid ham qilmagandi.
Shu bois o‘sha paytda Eminem “Oskar” sovrindori bo‘lib uyg‘onishini xayoliga ham keltirmay, shunchaki uxlagani yotadi. Aytgancha, haykalchani uning o‘rniga qo‘shiq hammuallifi Luis Resto qabul qilgan.
Pol Nyuman
Amerikalik aktyor va rejissyor 11 marta “Oskar” mukofotiga nomzod qilib ko‘rsatilgan. Ularning sakkiztasi eng yaxshi erkak roli nominatsiyasida edi. Pol “Kinematografiyadagi ajoyib xizmatlari uchun”, “Jin Xersolt mukofoti” va nihoyat, 1987-yilda “Pulning rangi” filmidagi Eddi Felson roli uchun “Eng yaxshi erkak roli” nominatsiyalarida g‘olib bo‘ladi.
Nyuman uzoq vaqt davomida o‘z maqsadiga intildi, ammo g‘olib deb topilganida marosimga kelmaydi. U Associated Press agentligiga bergan intervyusida bu haqda shunday deydi:
Vafotidan bir yil oldin, 2007-yilda, aktyor avvalgi formasini yo‘qotganligi sababli kinematografiyani tark etishini e’lon qiladi.
Ketrin Xepbern
Amerika kino instituti Ketrin Xepbernni Gollivud tarixidagi eng buyuk aktrisa deb tan olgan. U to‘rt marta “Oskar” mukofotiga sazovor bo‘lgan va “Eng yaxshi aktrisa” nominatsiyasida aktyorlar o‘rtasida mukofotlar soni bo‘yicha rekordchi bo‘lgan.
U birinchi marta 27 yoshida “Erta kelgan mashhurlik” filmidagi provinsiyalik aktrisa Eva Lavleys obrazi uchun mukofotga sazovor bo‘ladi. Shundan so‘ng “Bilasanmi, tushlikka kim keladi?”1968-yil, “Qishda sher” 1969-yil va “Oltin ko‘lda” 1982-yil filmlaridagi rollar uchun mukofotlar topshiriladi. Shunga qaramay, 66 yillik faoliyati davomida u hech qachon taqdirlash marosimiga kelmagan.
U faqat 1974-yildagina prodyuser Lourens Vayngartenga “Irving Talberg” mukofotini topshirish uchun tantanali marosimga tashrif buyuradi.
Izoh (0)