Xitoy — bu qadimgi anʼanalar, ajoyib manzaralar va hatto 60 yoshida ham 30 yoshdek ko‘rinadigan ayollar mamlakati. Masalan, hozirda butun dunyoga mashhur xitoylik go‘zal Lyu Yelin o‘zining 25 yoshli o‘g‘lidan ancha yosh ko‘rinadi.
Va u yolg‘iz emas, deyarli barcha xitoy ayollari o‘z yoshiga nisbatan ancha ko‘rkam ko‘rinadilar. Ko‘plab olimlar, kosmetologlar, shifokorlar uzoq vaqtdan beri xitoylik ayollarning nozikligi va yosh terisining sirini ochishga harakat qilmoqdalar. Aslida hech qanday yoshlik eleksiri mavjud emas, shunchaki ular kabi doimiy va qatʼiy tarzda quyidagi 5 odatga amal qilish kerak xolos.
Sut ichmaslik
Xitoylik ayollar ratsionida sut mahsulotlari yo‘q. Xitoyning ko‘plab aholisi aslida sigir suti deyarli ichishmaydi, chunki 80% xitoyliklarda 3—4 yoshidanoq laktozani qabul qila olmaslik namoyon bo‘ladi. Ular sutni soya, bodom va boshqa alternativ variantlar bilan almashtiradi. Va bu haqiqatan ham terining holatini yaxshilaydi va vaznni kamaytirishga yordam beradi.
Tonggi massaj
To‘shakdan turib darhol ishga shoshilish kerakmi? Yo‘q, bu xitoylik ayollarning turmush tarziga mos kelmaydi. Ular kunni to‘shakdan turmasdan ham, avval qo‘llarini, keyin ehtiyotkorlik bilan yuzlarini massaj qilish bilan boshlaydilar. O‘z-o‘zini massaj qilish — bu nafaqat mushaklarni cho‘zish va tanaga tonus berish, dam olish hamda zavqlanish usulidir. Bunday odat sizni pozitiv energiya bilan to‘ldiradi, asablarni tinchlantiradi, bu esa yoshlik va go‘zallikni saqlash uchun juda muhimdir.
Guruch suvidan foydalanish
Guruch hammaga maʼlum bo‘lgan ajoyib garnir, lekin Xitoyda u ajoyib kosmetik vosita hamdir. Ular uni tonik va niqob sifatida ham ishlatishadi — bunday muolajalardan keyin teri porloq va silliq bo‘ladi. Bundan tashqari, sog‘lom sochlarning siri ham aynan minerallar, vitaminlar va antioksidantlarga boy guruch suvidadir, buni Gollivud yulduzlari ham allaqachon qo‘llashdi.
Retsept oddiy: oddiy oq guruchni oling, suv bilan to‘ldiring va kamida yarim soatga qoldiring, suyuqlik qanchalik xira bo‘lsa, shuncha yaxshi. Tejamkor, ekologik va juda samarali vosita.
Goji mevalarini isteʼmol qilish
Goji mevalari — bu shunchaki taomga mazali qo‘shimcha emas, balki antioksidantlarga boy haqiqiy superozuqadir. Xitoylik ayollar uni choydan tortib, kosmetik vositalariga qadar, hamma narsaga qo‘shadilar. Va to‘g‘ri qilishadi ham, chunki bu mevalar askorbin kislotasi, A va B guruhi vitaminlari, shuningdek temir, kaltsiy, natriy, yod, marganets, rux, fosfor va boshqa mineral moddalarga boy. Goji erkin radikallar taʼsirini zararsizlantiruvchi va tanani erta qarishdan himoya qiluvchi antioksidantlarga boy.
Oyoqlarni bug‘lash
Xitoylik ayollar uchun bu butun boshli bir marosim! Ko‘pchilikda suv haroratini bir maromda saqlaydigan maxsus elektrli oyoq vannalari ham bor. Ko‘pincha unga turli xil o‘tlar qo‘shiladi, shuningdek, bu vannalarda oyoqni uqalovchi vositalar ham bo‘ladi. Bu muolaja tinchlantiradi, qon aylanishini yaxshilaydi va hatto hayz paytida og‘riqni yo‘qotishga yordam beradi. Oyoqlarni uxlashdan oldin bug‘lash yaxshiroq: bu metabolizmni va uyquni sifatini yaxshilaydi.
Izoh (0)