UFC prezidenti Dana Uayt 2026-yilda AQSH Mustaqillik deklaratsiyasining 250 yilligi munosabati bilan Oq uyda o‘tkazilishi rejalashtirilayotgan UFC musobaqasida qaysi jangchilar ishtirok etishi mumkinligi haqida fikr bildirdi.
MMA Fighting nashriga bergan intervyusida Uayt turnirda irlandiyalik Konor Makgregor hamda amerikalik Jon Jons kabi mashhur jangchilar qatnashishi mumkinligini ma’lum qildi:
Men Konor Makgregorga ishonaman. Agar og‘ir jarohat olmasa, u hech qachon meni yarim yo‘lda qoldirmagan. Ammo Jon Jons borasida biroz ko‘proq shubham bor, — dedi UFC rahbari.
Avvalroq Makgregor hamda Jon Jons Oq uy mezbonligida o‘tishi kutilayotgan UFC turnirida jang qilish istagini bildirgan edi.
Eslatib o‘tamiz, Konor Makgregor so‘nggi bor 2021-yil iyul oyida UFC 264 turnirida amerikalik Dastin Poryega qarshi oktagonga chiqib, oyog‘idan olgan jarohati sababli texnik nokaut bilan mag‘lub bo‘lgan edi. Jon Jons esa 2008-yildan 2024-yilgacha professional jangchi sifatida faoliyat yuritgan.
Izoh (0)