Mobillikka intilish va yuqori unumdorlik noutbuklar dunyosida har doim ikkita qarama-qarshilik deb hisoblangan. Ijodkor talaba, dizayner yoki dasturchi kafe va kutubxonalarda ishlash uchun yengil, nafis qurilma yoki renderlash va o‘yinlar uchun og‘ir vaznli “yirtqich” o’rtasida tanlov qilishi kerak edi. Ammo nimadandir voz kechish zamonlari o‘tmishda qoldi.
Yangi o‘quv yili shunchaki yangi fanlar bilan tanishuv emas. Bu davrda dadil loyihalar tug‘iladi, ijodiy ufqlar ochiladi va kelajak texnologiyalari o‘zlashtiriladi. Va bugun o‘z salohiyatingizni to‘liq ochish uchun sizni cheklab qo’ymaydigan vosita kerak. Aynan shunday kuchni ROG va TUF Gaming noutbuklari beradi, ular ko‘pchilik orzu qiladigan bitta texnologiya — NVIDIA 5000-seriyali videokarta bilan birlashtirilgan.
ROG Strix G16 va G18: g‘alabalar uchun yaratilgan kuch
ROG Strix G16 va G18 — ROG brendining flagman yechimlari — bu murosasiz samaradorlikning sinonimi demakdir. Ushbu mashinalarning yuragi Intel Core Ultra 9 275HX gacha bo‘lgan eng so‘nggi protsessor, noutbuklar uchun NVIDIA GeForce RTX 5080 gacha bo‘lgan grafik karta va 64 GB gacha operativ xotiradan iborat. Ushbu tandem unumdorlikning g‘oyat yuqori darajada o‘sishini ta’minlaydi: RTX 30 seriyali oldingi avlod noutbuklariga nisbatan, 3D-renderlash va generativ sun’iy intellekt bilan ishlash tezligi ikki barobar, video tahrirlashda esa bir yarim barobar oshgan. DLSS 4 va nurlarni kuzatish kabi asosiy texnologiyalar zamonaviy grafikadan unumdorlikni yo‘qotmasdan zavqlanishga imkon beradi. Videokartaning maksimal termopaket quvvati 175 Vtgacha yetishi uning doimiy yuqori samaradorligini ta’minlaydi.
Ammo bu quvvat tegishli sovutish tizimisiz befoyda bo‘lardi. Strix G16 va G18 modellarida noyob tizim joriy etilgan bo‘lib, unda bug‘latish kamerasi asosiy plataning o‘lchamlariga maksimal darajada moslashtirilgan. Markaziy va grafik protsessorlar uchun suyuq metalldan foydalanish, shuningdek, klaviatura va korpusning pastki qismi orqali havo so‘rishning puxta o‘ylangan tizimi tufayli noutbuklar eng yuqori yuklamalarda ham sovuq bo‘lib, umumiy quvvati 255 Vt gacha yetadi.
Noutbuklar 2.5K o‘lchamli ROG Nebula Display ekrani, 240 Gs yangilanish chastotasi va atigi 3 ms javob berish vaqtiga ega. Shunday qilib, displeylar DCI-P3 rang maydonining 100% qamrovini ta’minlaydi va G-SYNC hamda Dolby Vision funksiyalarini qo‘llab-quvvatlaydi, bu esa tasvirni nihoyatda aniq va ravon qiladi. Barcha tashqi qurilmalarni ulash qulayligi uchun portlarning ta’sirchan to‘plami, jumladan ikkita Thunderbolt 5, HDMI 2.1 va 2.5G Ethernet mavjud.
TUF A16 va TUF F16: ortiqcha to‘lovsiz xususiyatlar muvozanati
TUF A16 va TUF F16 – quvvat, chidamlilik va narx o‘rtasidagi muvozanatni izlovchilar uchun yaratilgan ishonchlilik va bardoshlilik timsoli hisoblanadi. Ushbu noutbuklar o‘quv yilining barcha sinovlariga bardosh beradigan, darslarda ham, ko‘ngilochar tadbirlarda ham hamrohingiz bo‘ladigan haqiqiy ish qurolidir.
TUF F16 modeli 8 GB GDDR7 xotirali NVIDIA GeForce RTX 5070 videokarta va Intel Core Ultra 9 275HX protsessori bilan jihozlangan noutbukdir. O‘z navbatida, TUF A16 noutbuki ham maksimal konfiguratsiyada NVIDIA GeForce RTX 5070 videokartasiga ega, biroq uning protsessori AMD Ryzen 9 8940HX hisoblanadi. Bu kuchli bog‘lam AAA o‘yinlari va kibersportda yuqori samaradorlikni ta’minlaydi. DLSS 4 kabi texnologiyalar ajoyib grafika va yuqori kadrlar chastotasidan bahramand bo‘lishga yordam beradi, bunda flagman yechimlar uchun ortiqcha pul to‘lanmaydi.
TUF A16 va F16 noutbuklari yuqori mustahkamligi va ixchamligi bilan ajralib turadi. Ular atigi 2,2-2,3 kg og‘irlikdagi nafis korpusda tayyorlangan, shuning uchun ularni har qanday ryukzakka osongina joylashtirish mumkin. 180 darajaga ochilishi mumkin bo‘lgan ekran sharniri esa qulay ishlash va kontentni ko‘rish uchun qo‘shimcha imkoniyatlarni taqdim etadi.
TUF Gaming A16 va F16 modellari 16 dyuymli IPS panelli displeyga ega bo‘lib, 2.5K (2560 x 1600) ruxsatga, 165 Gs yangilanish chastotasiga hamda NVIDIA G-SYNC texnologiyasini qo‘llab-quvvatlash imkoniyatiga ega. Ekran sRGB rang maydonining 100% qamrovini ta’minlaydi, bu esa ijodiy loyihalar va o‘yinlar uchun mos keladigan aniq rang tasvirini kafolatlaydi. TUF A16 va F16 — bu unumdorlik va ishonchlilik har kimga taqdim etilishi mumkinligini isbotlovchi tanlovdir.
ROG Zephyrus G16: mobil kreativlik flagmani
Doimiy harakatda bo‘lgan ijodkor talabalar, dizaynerlar yoki dasturchilar uchun ROG Zephyrus G16 eng yaxshi yechim bo‘ladi. Ushbu noutbuk yuqori unumdorlik va mobillik bir-biriga zid emas, degan g‘oyaning o‘zini mujassam etadi. Zephyrus G16 ixcham shassida funksionallik va samaradorlikni izlovchilar uchun yaratilgan.
Darhol ko‘zga tashlanadigan asosiy xususiyat — bu displey. Zephyrus G16 ajoyib yorqinlik, kontrast va to‘q qora rangga ega OLED o‘yin matritsasi bilan jihozlangan. Bunday ekran grafika, video montaj va har qanday ijodiy loyihalar bilan ishlashda ko‘zni quvontiradi.
Yupqaligi va yengilligiga qaramay, Zephyrus G16 o‘z o‘lchamlari uchun yuqori unumdorlikka ega. Ichki qismida Intel Core Ultra 9 275HX protsessori hamda noutbuklar uchun mo‘ljallangan NVIDIA GeForce RTX 50-seriyali videokartasi o‘rnatilgan. Bunday yuqori quvvatni ixcham korpusda saqlash uchun sovutish tizimida issiqlikni samarali chiqarib yuborish maqsadida suyuq metall qo‘llaniladi.
Hayot kutilmagan hodisalarga to‘la: goh noutbuk tushib ketadi, goh suv to‘kiladi, goh chiroq o’ynaydi. ASUS bu qanchalik achinarli bo‘lishini biladi va ASUS Perfect Warranty xizmatini ishga tushirdi. Endilikda 2025-yil 1-yanvardan keyin sotib olingan ASUS, ROG va TUF modellari bunday tasodiflardan ham himoyalangan. Asosiysi, xariddan so‘ng 90 kun ichida qurilmani ASUS akkauntingizda ro‘yxatdan o‘tkazish. Batafsil ma’lumot uchun havola orqali o’ting.
ASUS noutbuklarini O‘zbekistondagi elektronika do‘konlaridan, shuningdek, rasmiy hamkor: nout.uz dan xarid qilishingiz mumkin.
Reklama huquqlari asosida.
Izoh (0)