Gollivudning mashhur aktyorlari o‘rtasidagi ko‘pchilikning xayoliga ham kelmagan munosabatlar

Chedvik Bouzman sportchi bo‘lish uchun yaxshi imkoniyatga ega edi, chunki kollejda o‘qiyotganda uni basketbol jamoasiga qabul qilishgandi. Biroq Chedvik san‘atni tanlab, bu taklifdan voz kechadi. 90-yillarda u Vashingtondagi Govard universitetiga o‘qishga kirgan, lekin universitetga borish uchun puli bo‘lmagan. Pul yetishmasligi faqat Chedvikning emas, balki boshqa kursdoshlarining ham muammosi edi. Govarddagi aktyorlik o‘qituvchisi Filisia Rashad ularga yordam berish uchun aktyor do‘stlariga murojaat qilib, qashshoq talabalar guruhiga mablag‘ ajratishni iltimos qiladi. Natijada Chedvik hamda uning kursdoshlari Vashingtonga yo‘l olishadi.

Bir necha yildan so‘ng, Chedvik san‘at bakalavri darajasini qo‘lga kiritadi, shundan keyingina uning homiylaridan biri aktyor Denzel Vashington ekanini bilib qoladi. Chedvik Denzelga minnatdorlik xati yuboradi, aftidan xat yetib bormaydi, chunki Denzel hech qanday javob bermaydi. Keyinroq Chedvikda Denzelga shaxsan minnatdorlik bildirish imkoniyati bo‘ladi, ammo u bundan voz kechadi, chunki Denzel uni rahmi kelishi yoki karerasini rivojlantirish uchun yana pul so‘rayapti deb o‘ylaydi, deb xavotirlanadi. Bu sirni Chedvik yigirma yilcha saqlaydi va uni faqat katta yulduz bo‘lib, Denzel uni to‘g‘ri tushunishini anglaganidagina aytadi. Denzel bilan uchrashganda, Chedvik unga bu hikoyani aytib beradi, shunda Denzel hazil qilib: “Ha, demak shuning uchun men bu yerda ekanman-da. Menda qarzing bor! Men uni olish uchun keldim!” deydi.

Pedro Paskal, Sara Polson va Vudi Xarrelson

Pedro Paskal va Sara Paulson bir necha serialda birga suratga tushgan, lekin ularning o‘zaro munosabatlari faqat ish bilan cheklanib qolmaydi. Ular qadrdon do‘stlar bo‘lib, bir-birlari bilan suratga olish maydonida emas, balki kinoteatrda film tomosha qilish jarayonida tanishgan. Pedro va Sara umumiy do‘stlari orqali tanishgan, lekin ularning do‘stligi tasodifan boshlangan. Parkda sayr qilib yurganlarida, ular “Oq tanlilar sakray olmaydi” filmidagi roli bilan tanilgan Vudi Xarrelsonni ko‘rib qolishadi. Ularning guruhida sakkiz kishi bo‘lishiga qaramay, faqat Paskal va Paulson Xarrelsonni tanigan. Pedro “Bizlardan birimiz” va “Taxtlar o‘yini” seriallari orqali tanilgan bo‘lsa, Sara “Amerikancha dahshatli hikoyalar” orqali mashhurlikka erishgan.

Verner Hertsog va Xoakin Feniks

Bir qaraganda Verner Hertsog va Xoakin Feniks orasida hech qanday bog‘liqlik yo‘qdek tuyulishi mumkin, lekin bu haqiqatdan yiroq. 2006-yilda “Gladiator” va “Chiziqni kesib o‘t” filmlari bilan tanilgan Xoakin avtohalokatga uchraydi va mashinasi ag‘darilib ketadi. Bir necha soniya o‘tmay, u oynasiga bir kishi taqillatib, “O‘zingni bo‘sh qo‘y” deganini eshitadi. Bu Verner Xertsog edi. U Xoakinga yordam beradi, uning holatini tekshiradi va Xoakinni hayratda qoldirgan tarzda, shunchaki ketib qoladi, uni ag‘darilgan mashinasi bilan yolg‘iz qoldiradi.

Timoti Shalame va Ensel Elgort

Nyu Yorkda yulduzli “Manxetten Plaza”dan tashqari, mashhur “LaGuardia” o‘rta maktabi ham bor. Turli davrlarda ko‘plab san’atkorlar shu yerda tahsil olishgan, ammo faqat Timoti Shalame va Ansel Elgort nafaqat bir paytda o‘qigan, balki bir-birlari bilan tez-tez to‘qnash kelishgan. Ular bir basketbol jamoasida o‘ynashgan, ko‘pincha bir xil teatr rollari uchun raqobat qilishgan va bir xil o‘qituvchilardan saboq olishgan. Ularning kino yo‘llari biroz farqlangan bo‘lsa-da, Timoti va Ansel hamon aloqada bo‘lib, birga basketbol o‘yinlariga borishni davom ettirishadi.