АҚШнинг энг бой актёрлари топ-10 талиги. Биринчи ўринда ким эканини тасаввур ҳам қилолмайсиз

Айтишларича, корейс актёрлари ҳам бойлик миқдори бўйича америкалик актёрларга тенглаша олмас экан. Келинг, буни текшириб кўрамиз.

10. Леонардо Ди Каприо

Аввалига ўсмирларнинг севимли юлдузидан режиссёрларнинг эркатойига, энди эса шунчаки афсонага айланди. Ди Каприо доимо мураккаб ролларни танлайди: “Авиатор”, “Муқаддима”, “Лаънатланганлар ороли”, “Омон қолган”. Ва ниҳоят 2016 йилда “Оскар”. Узоқ кутилган ҳайкалчани унга шунчаки сабр-тоқати учун ҳам берса бўларди.

Бойлиги — тахминан 260 миллион доллар. Гонорарлар жуда катта — ўзига орол, ҳашаматли уйлар, квартиралар сотиб олган, дабдабали ҳаёт кечиради. “Юқорига қарама” фильмининг ўзи 30 миллион доллар даромад келтирган.

Кинодан ташқари, Ди Каприо экофаоллардан бири. Унинг жамғармаси табиатни муҳофаза қилиш ва иқлим ўзгаришига қарши курашга миллионлаб маблағ йўналтиради.

9. Киану Ривз

Голливуднинг ҳеч қачон бошқаларнинг қоидаларига бўйсунмаган, камтарона ҳаёт кечирадиган миллионери.

У “Форсаж” фильми биланоқ юлдузга айланди, кейин “Матрица”да инқилоб қилди ва “Жон Уик” орқали яна чўққига қайтди. Унга ҳеч нарсани исботлашнинг кераги йўқ — у шунчаки кадрда кўриниши биланоқ томошабин аллақачон унинг тарафида бўлади. Чунки Киану — бу соф харизма ва услуб тимсоли.

Бойлиги тахминан 380 миллион доллар. Аммо у метрода юришни маъқул кўради, каскадёрларга совғалар улашади, гонорарининг катта қисмини хайрияга сарфлайди.

8. Том Ҳэнкс

Ҳаётлик чоғидаёқ афсонага айланган актёр. Уни ҳамма севади, шунчаки ўз ишини бажаради ва буни мукаммал бажаради: “Филаделфия”, “Форрест Гамп”, “Одамларда йироқда”, “Терминал”, “Оддий аскар Райанни қутқариш” — у турли хил инсонларни ижро этган ва ҳар сафар унга ишонгинг келади.

Актёрнинг бойлиги тахминан 400 миллион долларни ташкил этади. У қатнашган фильмлар бутун дунё бўйлаб 9 миллиарддан ортиқ маблағ тўплаган. Бундан ташқари, у тахминан 150 миллион долларлик улкан кўчмас мулкка эга.

7. Мел Гибсон

Мел Гибсон 80 йилларнинг қатъиятли эркаги рамзига “Телба Макс” ва “Ўлим қуроли” фильмлари туфайли айланди. Кейинчалик режиссёр сифатида “Шерюрак” фильмини яратди ва “Оскар”ни қўлга киритди.

Кейин ҳаммаси барбод бўлди. Жанжаллар, муштлашувлар, ичкиликбозлик — Гибсон ўзини 10 йилга Голливуддан четлаштирди. Аммо 2016 йилда у Эндрю Гарфилд бош ролни ижро этган “Виждон амри билан” фильмини суратга олди ва кино оламидаги обрўсини тиклаб олди.

Ҳозирда унинг бойлиги тахминан 425 миллион доллар. У орол, узумзорлар ва ҳашаматли уйларга эгалик қилади.

6. Роберт Де Ниро

Баъзилар Робертни буюк кинонинг юзи деб аташади: “Такси ҳайдовчиси”, “Чўқинтирган ота II”, “Қутурган буқа”, “Ажойиб йигитлар”.

Де Ниронинг услуби доимо бир хил — сокин, қатъиятли, эътиборли. У ўйнамаётгандек, балки кадрда шунчаки мавжуддек туюлади.

Ҳозир 80 ёшдан ошган бўлса-да, у ҳамон кино суратга тушмоқда, ҳатто еттинчи марта ота бўлди. 2023 йилда унинг қизи туғилди. 2025 йилда у янги сериалда АҚШнинг собиқ президенти ролини ижро этди.

Унинг бойлиги тахминан 500 миллион доллар. У катта фойда келтирадиган Нобу ресторан ва меҳмонхоналар тармоғининг эгаси ҳам.

5. Жорж Клуни

У “Тез ёрдам”даги севимли шифокор сифатида иш бошлаган бўлса-да, мухлислар армияси ва “Оскар” мукофоти билан суперюлдузга айланди. “Оушеннинг ўн бир дўсти”, “Сириана”, “Меросхўрлар” каби фильмларда суратга тушди.

Бироқ у ҳақиқий ютуққа кинода эмас, бизнесда эришди. 2013 йилда дўстлари билан Casamigos текила брендини ишга туширди ва 2017 йилда уни бир миллиард долларга сотди. Шундан сўнг Голливудда унга ҳамма ҳавас қила бошлади.

Бойлиги тахминан 500 миллион доллар. Италия ва АҚШда ҳаёт кечиради. Режиссёрлик, продюсерлик қилади, қочқинларга ёрдам беради ва умуман олганда, кино олиш жараёнидан ташқарида ҳам ўзини супергаҳрамон каби тутади.

4. Том Круз

Том Круз даромади бўйича тарихдаги энг бой актёрлардан бири ҳисобланади. Бойлиги 600 миллион доллар. Бошқаларга нисбатан кўп бўлмаса-да, у фильмларнинг кассадан тушган даромадидан улуш олади. “Топ Ган: Меверик” учун у фақат прокат даромадидан 100 миллион доллардан ортиқ маблағ олди.

Шахсий ҳаётида Никол Кидман ва Кети Холмсни қўшганда уч марта уйланган.

3. Дуэйн Жонсон

Бир пайтлар у кураш оламининг қироли эди. Кейин тўсатдан кинога ўтди ва сайёрамизнинг энг талабгир актёрларидан бирига айланди. “Форсаж”, “Жуманжи”, “Сан-Андреас ёриғи”, “Қора Адам” каби у қатнашган фильмлар мунтазам равишда юз миллионлаб даромад келтирмоқда.

Ҳар бир лойиҳа учун 20-30 миллион долларлик гонорар олади. Шунингдек, у қарийб бир миллиард долларга баҳоланган Теремана текила брендини ҳам йўлга қўйди. 2025 йилга келиб унинг бойлиги тахминан 800 миллион долларни ташкил этиши кутилмоқда.

2. Жерри Сайнфелд

У Нью Йорк клубларида оддий стендап-комик сифатида иш бошлади, кейин эса “Сайнфелд” сериалини яратди — 9 та мавсум, юзлаб сериялар, миллионлаб томошабинлар.

Шоу дастлаб жонли томошабинлар олдида суратга олинган. Жерри томошабинларни шу қадар ўзига жалб қила олардики, унинг кадрдаги ҳар бир чиқиши томошабинларни ақлдан оздирар эди.

Унинг бойлиги — 1,1 миллиард доллар. Сериал ҳали ҳам пул келтиради: такрорлар, стриминг, лицензиялар. Бундан ташқари, янги лойиҳалар, чиқишлар, комедия шоулари, Comedians in Cars Getting Coffeе YouTube сериали шулар жумласидан.

1. Тайлер Перри

У нолдан бошлаган. Болалиги қашшоқлик, зўравонлик ва тирикчилик билан ўтган. Ҳаётидаги бурилиш нуқтаси песалар ёзишни бошлаганда содир бўлган.

Унинг саҳнаси қора комедия, кучли ҳис-туйғулар ва ўзи парик ҳамда кўйлак кийиб ўйнаган Медея буви образидан иборат эди. Медея ҳақидаги фильмлар юз миллионлаб даромад келтирди.

Кейинчалик у Атлантада Tyler Perry Studios номли шахсий киностудиясини очди. 2020 йилда эса расман миллиардерга айланди.

Ҳозирда унинг бойлиги 1,4 миллиард доллар деб баҳоланмоқда. У асарлар ёзади, режиссёрлик қилади, продюсерлик билан шуғулланади ва барча контентининг муаллифлик ҳуқуқларини ўзида сақлаб қолади.

Хуллас, айрим актёрлар мавжуд қоидаларга яхши мослашган бўлса, Тайлер эса бу қоидаларни ўзига мослаб яратади. У кам таъминланган одамларга ёрдам беради.

Умуман олганда, у ҳақда кўпчилик эшитмаган. Бунинг сабаби шундаки, бошқалар биринчи бўлиш мусобақасида овора бўлаётган бир пайтда, у ўз ишини қилишни афзал кўради.