Shuni aytish kerakki, ushbu maqolada keltirilgan raqamlar bilan taqqoslaganda, bu yil dunyo yulduzlari uchun unchalik yaxshi bo‘lmadi. Aslida esa aktyorlarning katta daromadlari ancha yillar oldin bo‘lgan.
Haqiqatan ham, dunyodagi eng ko‘p pul topgan aktyorlardan biri, bitta film uchun eng katta maosh olgan shaxs — Kianu Rivz. “Matritsa” haqidagi birinchi film juda mashhur bo‘lib ketganidan so‘ng, uning davomi uchun film ijodkorlari Rivzga juda katta pul taklif qilishgan. Haqiqatan ham, uning gonorari 30 million dollarni tashkil etgan, ammo foydadan olingan ulushlar hisobga olinsa, trilogiyaning qolgan ikki filmi — “Matritsa: qayta yuklash” va “Matritsa: inqilob” Kianu Rivzga jami 156 million dollar olib keldi. Bu esa aktyorlarning bitta roli orqali eng katta daromad olish bo‘yicha mutlaqo rekorddir.
-HXw2JxW0.png)
Ikkinchi o‘rinda bitta rol uchun 100 million dollar ishlab topgan uchta jahon yulduzi bor. Ushbu aktyorlar birgina muvaffaqiyatli film orqali 100 million dollarni qo‘lga kiritgan. Birinchi Bryus Uillis — u 1999-yilda chiqqan “Oltinchi sezgi” filmi uchun shuncha gonorar olgan. Ushbu filmda Bryus Heyli Osment bilan birga o‘ynagan, Osment keyinchalik 11 yoshida “Ikkinchi darajali eng yaxshi erkak roli” nominatsiyasida “Oskar”ga nomzod bo‘lgan.
-BBmwHdYN.png)
Keyingi eng ko‘p maosh olgan aktyor — Tom Kruz. Aktyor “Top Gan: Maverik”, “Uddalab bo‘lmas topshiriq-2” va “Jahon urushi” filmlarida o‘ynab, har biri uchun 100 million dollarni qo‘lga kiritgan.
Yana bir yulduz — Uill Smit bitta roli uchun 100 million dollar gonorar olgan. U ko‘plab muvaffaqiyatli filmlarda rollar ijro etgan. Ulardan biri “Qora libos kiygan odamlar-3” filmi bo‘lib, bu filmda Smitga 100 million dollar to‘langan.
-d_q2rEZd.png)
To‘rtinchi o‘rinda bitta rolidan 70 million dollar daromad olgan uchta aktyor bor. Ro‘yxatimizdagi birinchi va yagona ayol bu — Sandra Bullok. U “Gravitatsiya” filmidagi doktor Rayan Stoun roli uchun 70 million dollar olgan.
Yana bir aktyor —Tom Kruzga 70 million dollar gonorar berilgan, shunchaki uchta film uchun umumiy 100 million dollar olgan. Shuning uchun bu uning alohida yutug‘i emas. Shunday qilib, Tom Kruzga 70 million dollar birinchi “Uddalab bo‘lmas topshiriq” filmi uchun berilgan.
Tom Henks 1994-yilda chiqqan “Forrest Gamp” filmi uchun 70 million dollar olgan.
Izoh (0)