Madridning “Real” klubi murabbiylar shtabi Ispaniya Kubogi finalida “Barselona” ustidan g‘alaba qozonish uchun o‘z strategiyasini ishlab chiqqan. Bu haqda Football Espana nashri xabar berdi.

Ma’lumotlarga ko‘ra, “Real” ilk 60 daqiqada raqobatbardosh o‘yin ko‘rsata olsa, yakunda g‘alabani qo‘lga kiritishiga ishonmoqda. Jamoa murabbiylari “Barselona” futbolchilari o‘yin so‘nggi daqiqalarida jismoniy jihatdan qiynalishini kuzatgan.
Shu boisdan, “Real” o‘zining yuqori jismoniy tayyorgarligiga tayangan holda kubokni qo‘lga kiritishiga ishonyapti.
Ma’lumot o‘rnida, yarim final bahslarida “Real” “Real Sosyedad”ni mag‘lub etgan bo‘lsa, “Barselona” Madridning boshqa klubi — “Atletiko”dan ustun keldi. Shu tariqa, muxlislar Ispaniya Kubogi finalida “El-Klasiko”ga guvoh bo‘lishadi. Ushbu voqea so‘nggi bor 11 yil avval kuzatilgan va unda madridliklar 2:1 hisobida g‘alaba qozongan.
“Real Madrid” — “Barselona” o‘rtasidagi hal qiluvchi bahs 26-aprel kuni bo‘lib o‘tadi.
Izoh (0)