Fransiyaning L’Équipe nashri kuchli beshlik chempionatlari orasidan Angliya Premyer-ligasi, Ispaniya La Ligasi va Germaniya Bundesligasining eng ko‘p maosh oladigan murabbiylari nomini e’lon qildi. Bu haqida Sports24 nashri xabar berdi.
Unga ko‘ra, “Manchester Siti” bosh murabbiyi Pep Gvardiola Angliya Premer-ligasining eng yuqori maosh oluvchi murabbiyi hisoblanadi. Ispaniyalik mutaxassis oyiga 1,98 mln yevro oladi (soliqlar bilan birga). Bu ko‘rsatkich APLdagi barcha murabbiylar orasida eng yuqori ko‘rsatkich hisoblanadi.
Ikkinchi o‘rinda “Arsenal” bosh murabbiyi Mikel Arteta (1,48 mln), uchinchi pog‘onada esa “Everton” ustozi Devid Moyes (1,23 mln) joy olgan.
La Ligada eng ko‘p maosh oluvchi murabbiy “Atletiko Madrid” ustozi Diego Simeone bo‘lib, u oyiga 2,17 mln yevro oladi. Ikkinchi o‘rinda “Real Madrid” bosh murabbiyi Karlo Anchelotti (910 ming yevro), uchinchi pog‘onada esa “Barselona” bosh murabbiyi Hansi Flik (830 ming yevro) bormoqda.
Bundesligada eng yuqori maosh oluvchi murabbiy “Bavariya” ustozi Vensan Kompani bo‘lib, uning oylik daromadi 750 ming yevroga teng. Ikkinchi va uchinchi o‘rinlarni mos ravishda “Bayer” bosh murabbiyi Xabi Alonso (425 ming yevro) va “Leypsig” ustozi Marko Roze (375 ming yevro) egallagan.
Izoh (0)