Madridning “Real” klubi hujumchisi Kilian Mbappe Ispaniya chempionatining 29-turidagi “Leganes”ga qarshi o‘yinda (3:2) dubl qayd etdi. U Madrid klubi safida debyut mavsumida 33 ta gol urib, Krishtianu Ronaldu hamda Rud van Nistelroyning natijasini takrorladi.
Futbolchi ushbu natijani qayd etgandan so‘ng o‘z fikrlari bilan o‘rtoqlashdi.
Bu o‘ziga xos yutuq. Eng muhimi – jamoa bilan erishiladigan natijalar, lekin Krishtianu kabi ko‘p gol urish har doim xursand qiladi. Uni “Real” uchun qanchalik muhim futbolchi bo‘lganligini yaxshi bilamiz. Ronaldu ushbu jamoa safida ko‘p gol urgan futbolchi sifatida menga ko‘p maslahat beradi. Gollar muhim narsa, ammo biz sovrin yutish uchun o‘ynayapmiz, deydi Mbappe Marca nashriga bergan intervyusida.
Ma’lumot uchun, bu borada rekordchi esa Ivan Samorano hisoblanadi. Chililik futbolchi “Real” safidagi debyut mavsumida 37 ta gol urishni uddalagan. Mavsum yakuniga qadar 8 tur qolganini hisobga olsak, Mbappe ushbu natijani ham yangilashi mumkin.
Fransiyalik hujumchi 2024-yil yozida “Real” safiga qo‘shilgan. Bungacha u “PSJ” va “Monako” klublarida to‘p surgan. Uning madridliklar bilan shartnoma 2029-yilga qadar amal qiladi.
Izoh (0)