Futbol bo‘yicha UEFA Chempionlar Ligasi 1/8 final doirasidagi navbatdagi uchrashuvlar 12 mart, chorshanba kuni o‘tkazildi.
Madridda kechgan bahsda “Atletiko” va “Real” chorak final yo‘llanmasi uchun maydonga tushdi. “Vanda Metropolitano” stadionida kechgan bahs taqdiri penaltilar seriyasida aniqlandi.
Birinchi uchrashuvda “Real” o‘z maydonida 2:1 hisobida g‘alaba qozongan bo‘lsa, javob bahsida “Atletiko” Diego Simeone uslubiga xos tarzda himoyasi va bosimi bilan raqibga imkon bermadi. Uchrashuv davomida “Real” hujum qilishga uringan bo‘lsa-da, “Atletiko”ning intizomli himoyasi bunga yo‘l qo‘ymadi. Uchrashuv boshida mezbonlar kerakli natijani ta’minlovchi yagona golni urishdi va umumiy hisobni tenglashtirishdi – 2:2. Asosiy vaqt va qo‘shimcha bo‘limlar golsiz yakunlandi va g‘olib penaltilar seriyasida aniqlanishiga to‘g‘ri keldi.
Natijada “Real” Madrid penaltilar seriyasida g‘alaba qozonib, Chempionlar ligasi chorak finaliga yo‘l oldi. “Atletiko” esa musobaqani tark etdi.
Londonning “Arsenal” klubi Chempionlar ligasi 1/8 final javob uchrashuvida “PSV” bilan durang (2:2) o‘ynadi va umumiy 9:3 hisobida g‘alaba qozonib keyingi bosqichga yo‘l oldi. Birinchi o‘yinda “Kanonirlar” Niderlandiyada haqiqiy shou namoyish etib, 7:1 hisobida g‘alaba qozongan edi.
Londonda o‘tgan bahsda jamoalar ochiq futbol namoyish etdi. Zinchenko va Deklan Raysning gollariga niderlandiyaliklar safida Ivan Perishich hamda Driauyex javob qaytarib, o‘yinni 2:2 hisobida yakunlanishini ta’minladi.
Natijada “Arsenal” umumiy hisobda yirik ustunlik bilan chorak finalga chiqdi. “PSV” esa musobaqani tark etdi.
Angliyaning “Aston Villa” klubi Chempionlar Ligasi 1/8 final javob uchrashuvida “Bryugge”ni 3:0 hisobida mag‘lub etib, chorak final yo‘llanmasini qo‘lga kiritdi.
Birinchi o‘yinda Unai Emeri shogirdlari 3:1 hisobida g‘alaba qozongan edi. Shu sababli, javob bahsida ularga ortiqcha bosim yo‘q edi.
Birmingemdagi o‘yinda ham “Aston Villa” tashabbusni qo‘ldan bermadi va hujumkor o‘yin namoyish etdi. Asensioning dubli va Matsenning gollari evaziga mezbonlar 3:0 hisobida g‘alaba qozondi. Ikki bahs natijalariga ko‘ra, umumiy hisob 6:1 ko‘rinishiga keldi va inglizlar keying bosqichga yo‘l oldi.
“Borussiya Dortmund” safarda “Lill”ni 2:1 hisobida mag‘lub etib, umumiy 3:2 natija bilan keyingi bosqichga yo‘l oldi.
Germaniyadagi birinchi o‘yin 1:1 hisobida yakunlangani bois, fransuz klubi javob bahsida yaxshi imkoniyatga ega edi. “Lill” o‘yinni ancha faol boshladi va birinchi bo‘lib hisobni ochdi. Biroq, ikkinchi bo‘limda “Borussiya” hujumlarni kuchaytirib, ketma-ket ikkita gol urishga muvaffaq bo‘ldi.
Natijada Niko Kovach jamoasi 2:1 hisobida g‘alaba qozonib, Chempionlar ligasi chorak finaliga yo‘l oldi.
YCHL
1/8 final
12-mart, chorshanba
“Atletiko” - “Real” 1:0 (penaltilar seriyasi: 2:4)
Gol: 1:0 — 1 Gallaher
“Atletiko”: Oblak, Reynildu, Langle (Le Norman, 90), Ximenes, Lorente, Gallaxer (Lino, 85), Barrios, De Pol (Molina, 90), Simeone (Korrea, 89), Alvares, Grizmann (Serlot, 89),
“Real Madrid”: Kurtua, Mendi (Fran Garsiya, 83), Ryudiger, Asensio, Valverde, Bellingem, Chuameni (Kamavinga, 65), Modrich (Vaskes, 65), Rodrigo (Braim Dias, 79), Vinisius Junior, Mbappe
“Arsenal” - “PSV” 2:2
Gollar: 1:0 — 6 Zinchenko, 1:1 — 18 Perishich, 2:1 — 37 Rays, 2:2 — 70 Driauyex
“Arsenal”: Rayya, Gabriel, Kiver, Lyuis-Skelli, Uayt (Timber, 79), Zinchenko (Edegor, 79), Rays (Kalafori, 64), Jorjino, Tirni (Martinelli, 79), Merino (Trossard, 64), Sterling.
“PSV”: Benites, Malasia, Obispo (Boskali, 69), Nagalo (Flamingo, 77), Ledesma, Babadi, Sxauten (Verman, 46), Til, Driauyex (Bayraktarevich, 80), Perishich (de Yong, 68), Bakayoko.
“Aston Villa” - “Bryugge” 3:0
Gollar: 1:0 — 50 Asensio, 2:0 — 57 Matsen, 3:0 — 61 Asensio
“Aston Villa”: Martines, Kesh, Konsa, Mings, Matsen, Kamara, Tilemans, Rojers, Makgin, Reshford, Uotkins.
“Bryugge”: Minyole, Maksim, Mexele, Ordonez, Sabbe, Yashari, Onidika, Solis, Vanaken, Talbi, Yutgla.
“Lill” - “Borussiya D” 1:2
Gollar: 1:0 — 5 Devid, 1:1 — 54 Jan, 1:2 — 65 Bayer
“Lill”: Shevale, Ismaili (Gudmundsson, 67), Mene, Alessandro, Diakite, Buaddi (Fernandes-Pardo, 74), Andre, Xaraldsson (Saxraui, 83), Kabella (Akpom, 67), Myuko (Gomesh, 83), Devid.
“Borussiya D”: Kobel, Ryuerson, Anton (Bensebayni, 72), Shlotterbek, Jan, Gross (Ozdjan, 85), Zabitser, Brandt (Chukvuemeka, 86), Bayer (Reyna, 85), Adeyemi (Gittens, 79), Girassi.
Izoh (0)