Madridning “Real” klubi rahbariyati jamoa futbolchilarini Chempionlar Ligasi chorak finaliga chiqishlari munosabati bilan rag‘batlantirishga qaror qildi. Bu haqida RMC Sport nashriga tayanib, Euro-football xabar berdi.
Manbaga ko‘ra, “qirollik klubi” YCHLning 1/8 final bosqichida “Atletiko”ni mag‘lub etgani uchun har bir futbolchisiga 250 ming yevrodan mukofot puli to‘lagan.
“Real” nimchorak finalda hamshahari ustidan penaltilar seriyasida (2:1, 0:1, penaltilar seriyasi — 4:2) g‘alaba qozonib, chorak final yo‘llanmasiga ega chiqdi.
Ushbu bosqichda Karlo Anchelotti shogirdlari Londonning “Arsenal” klubi bilan to‘qnash keladi. Dastlabki o‘yin 8-aprel kuni, javob bahsi esa 16-aprel sanasida o‘tkazilishi rejalashtirilgan.
“Real Madrid” amaldagi Chempionlar Ligasi g‘olibi hisoblanadi. O‘tgan yilgi finalda jamoa Dortmundning “Borussiya” klubini 2:0 hisobida mag‘lubiyatga uchratgan edi.
Izoh (0)