Futbol bo‘yicha Ispaniya Superkubogining yarim final bahslari 12 va 13-yanvar kunlari o‘tkazildi.
Dastlabki yarim finalda “Real” qo‘shimcha bo‘limlargacha cho‘zilgan o‘yinda “Barselona”ni mag‘lub etgan (3:2) bo‘lsa, keyingi o‘yinda “Atletik” jamoasi “Atletiko” ustidan irodali g‘alabaga (2:1) erishdi.
Shu tariqa La Liganing amaldagi chempioni va Ispaniya Kubogi sohibi musobaqa bilan xayrlashdi.
16-yanvar kuni bo‘lib o‘tadigan finalda “Real Madrid” va “Atletik B” jamoalari o‘zaro to‘qnash keladi. Uchrashuv Toshkent vaqti bilan 23:30 da boshlanadi.
Shu vaqtga qadar “Atletik” va “Real” 8 marta finallarda to‘qnash kelgan. Ularning 6 tasida bilbaoliklarning qo‘li baland kelgan va atigi ikki final Madrid jamoasi foydasiga hal bo‘lgan. Mazkur finallarning barchasi Ispaniya Kubogi doirasida bo‘lib o‘tgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)