Ispaniya chempionatining 20-turi doirasidagi “Real Madrid” – “Las-Palmas” uchrashuvi 19-yanvar, yakshanba kuni bo‘lib o‘tdi.
O‘yinning ilk soniyalaridanoq mehmonlar hujumga o‘tdi va bu o‘z natijasini bedi. Fabiu Silva 29-soniyada hisobni ochdi.
Gol o‘tkazib yuborganidan so‘ng jahli chiqqan madridliklar birinchi bo‘limning o‘zidayoq to‘rtta gol urdi, ularning uchtasi hisobga olindi. Mbappedan dubl, Braim Dias ham o‘z familiyasini tabloga yozdirib qo‘ydi.
Ikkinchi bo‘limda ham Madrid klubi hujumkor boshladi. 57-daqiqaga kelib Rodrigo yana bir gol urib, hisobni yanada yiriklashtirdi. O‘yinning ikkinchi qismida ham “Real” ikkita gol urdi, biroq ular ham o‘yindan tashqari holat sabab bekor qilindi.
Shunday qilib, 20-turdan so‘ng “Real Madrid” 46 ochko bilan 1-o‘ringa chiqib oldi. Jamoa hamshahari “Atletiko”dan 2, asosiy raqibi hisoblangan “Barselona”dan 7 ochko ilgarilab ketdi.
Izoh (0)