“An-Nassr” hujumchisi Krishtianu Ronaldu yozda “Real”ga o‘tishi mumkin. Bu haqida Sky Sports nashriga tayanib, Sport-Express xabar bermoqda.
Manbaga ko‘ra, 40 yoshli futbolchi 2025-yilgi klublar o‘rtasidagi Jahon chempionatida ishtirok etishni xohlamoqda. Biroq, “An-Nassr” turnirga yo‘llanma ololmagani sababli u “Real” bilan qisqa muddatli shartnoma imzolash variantini ko‘rib chiqmoqda.
FIFA 1–10-iyun kunlari klublar o‘rtasidagi JCH ishtirokchilari uchun maxsus transfer oynasini ochadi, bu esa portugaliyalik futbolchiga “qaymoqranglilar” safiga faqat ushbu musobaqada ishtirok etish uchun qo‘shilish imkonini beradi.
Ronaldu 2022-yil oxirida “An-Nassr” futbolchisiga aylangan edi. Uning Saudiya klubi bilan tuzgan shartnomasi 2025-yilning iyuniga qadar amal qiladi.
Portugaliyalik hujumchi 2009–2018-yillar oralig‘ida “Real” sharafini himoya qilgan. U Madrid klubi bilan ikki karra Ispaniya chempioni, to‘rt karra Chempionlar ligasi g‘olibi bo‘lgan, shuningdek, uch marta klublar o‘rtasidagi Jahon chempionatida zafar quchgan.
Izoh (0)