“Real” “Kamp Nou”da “Barselona”ni yirik hisobda mag‘lub etib, Ispaniya Kubogi finaliga yo‘l oldi (video)

Futbol bo‘yicha Ispaniya Kubogining yarim final javob bahsida “Barselona” 5-aprel, chorshanba kuni “Real”ni qabul qildi.

Uchrashuvning birinchi bo‘limi keskin kurashlar ostida o‘tdi va hisob taym yakuniga kelib ochildi. Madridliklarning qarshi hujumini Vinisius Junior gol bilan yakunladi.

Ikkinchi bo‘lim boshida Karim Benzema oradagi farqni oshirdi. Oradan ko‘p o‘tmay Vinisiusga ishlatilgan qo‘pollikdan keyin katalonlar darvozasi tomon penalti belgilandi. Uni Benzema muvaffaqiyatli amalga ijro etdi. 81-daqiqada Benzema het-trik qayd etgan holda, yakuniy hisobni o‘rnatdi.

Shu tariqa ikki o‘yin natijasiga ko‘ra “Real” final yo‘llanmasiga ega chiqdi. Mazkur jamoalar o‘rtasidagi dastlabki o‘yinda “Barselona” 1:0 hisobidagi g‘alabani qo‘lga kiritgandi.

Karlo Anchelotti shogirdlari finalda “Osasuna”ga qarshi maydonga tushadi. O‘yin 6-may kuni bo‘lib o‘tadi.

Ispaniya Kubogi

Yarim final, javob bahsi

5-aprel, chorshanba

“Barselona” — “Real Madrid” 0:4

Gollar: 0:1 – 45 Vinisius Junior, 0:2 – 50 Benzema, 0:3 – 58, penalti Benzema, 0:4 – 80 Benzema.

“Barselona”: ter Shtegen, Arauxo, Alonso (Erik Garsiya, 66), Kunde, Balde, Serxi Roberto, Buskets, Kessie (Fati, 59), Gavi, Rafinya (Ferran Torres, 66), Levandovski.

“Real Madrid”: Kurtua, Karvaxal, Alaba, Militao, Kamavinga, Modrich (Tchuameni, 87), Kroos, Valverde, Vinisius Junior (Sebalyos, 85), Rodrigo (Asensio, 73), Benzema (Nacho, 89).

Ogohlantirishlar: Serxi Roberto (10), Vinisius Junior (26), Gavi (26), Erik Garsiya (67), Karvaxal (71), Ferran Torres (76), Arauxo (84), Alaba (86), Balde (86), Militao (88), Fati (90).

Dastlabki bahs — 1:0.