“Manchester Siti” “Real” futbolchisi Eduardo Kamavingani o‘z safiga qo‘shib olmoqchi. Bu haqida CityExtra sayti xabar bermoqda.
“Shaharliklar” yozgi transfer oynasida faol bo‘lishi kutilayotgan klublardan biri hisoblanadi. Pep Gvardiola jamoasida katta o‘zgarishlar bo‘lishi mumkin – tarkibdagi bir nechta futbolchilar “Etihad”ni tark etishi va yangi futbolchilar bilan tarkibni kuchaytirish rejalashtirilgan.
Shu bois klub rahbariyati yarim himoya chizig‘iga yana bitta sifatli futbolchi olishni rejalashtirib, e’tiborini “Real Madrid”ning fransiyalik futbolchisi Eduardo Kamavingaga qaratgan. Hozirda klub va Kamavinganing agentligi “CAA Stellar” o‘zaro muzokara boshlash arafasida turibdi. Biroq fransiyalik futbolchi hali “qirollik klubi”ni tark etishi aniq emas. Kamavinga yarim himoyachi, chap qanot himoyachisi sifatida ham o‘ynay olishi bilan Gvardiolaning rejasiga juda mos tushishi mumkinligi aytilmoqda.
Ma’lumot uchun, Eduardo joriy mavsum La Liga doirasidagi 13 uchrashuvda maydonga tushib, 2 golli uzatma muallifiga aylangan. Uning klub bilan amaldagi shartnomasi 2029-yilning yoziga qadar davom etadi.
Izoh (0)