Mundo Deportivo nashri yangi formatda o‘tayotgan YCHLda qaysi klub ko‘p mablag‘ ishlab topgani haqida maʼlumot berdi.
Qayd etilishicha, ayni vaqtda 1/8 final yakunlari orqali “Bavariya”inng eng ko‘p mablag‘ ishlab topgan – 106 mln yevro.
Keyingi o‘rinlarda “PSJ” (104,4 mln yevro), “Inter” (103,1 mln), "Borussiya Dortmund" (102,2 mln), “Arsenal” (102 mln), “Barselona” va "Real Madrid" (101 mlndan) qayd etilgan.
UEFA rasmiy sayti yaqin haftalarda ushbu maʼlumotlarni tasdiqlashi kutilmoqda.
Turnirga qancha mablag‘ ajratilgan?
Maʼlumotlarga ko‘ra, joriy mavsum uchun 2,47 mlrd yevro ajratilgan. Har bir klub guruh bosqichida ishtiroki uchun 18,8 mln yevrodan ishlab topgan. Har bir g‘alaba uchun 2,1 mln yevro, durang uchun esa 700 ming yevrodan ajratilgan.
1/8 finalga chiqqan jamoalarda 11 mln yevrodan, chorak finalga chiqadiganlarga esa 12,5 mln yevrodan, yarim finalga 15 mln yevrodan, finaldagi ishtiroki uchun esa 18,5 mln yevrodan mablag‘ ajratiladi.
Hal qiluvchi bahsda g‘olib bo‘ladigan jamoaga esa 6,5 mln yevro taqdim qilinadi. Shu orqali YCHL g‘olibi eng ko‘pi bilan 200 mln yevro ishlab olishi mumkin.
Izoh (0)