“Real Madrid” hujumchisi Kilian Mbappe “Vilyarreal”ga qarshi o‘yinda dubl qayd etib, klub tarixidagi afsonaviy hujumchilardan biri Ronaldo Nazarioning rekordini ortda qoldirdi. Braziliyalik futbolchi Madrid klubi safidagi ilk mavsumida 30 ta gol urgan bo‘lsa, Mbappe 31-marta raqib darvozasini ishg‘ol qildi.
O‘yindan keyin hujumchi intervyu berib, bu natijadan xursand ekani va “Real”ning boshqa a’zosi Krishtianu Ronalduning natijasini ham yangilash niyatida ekanini aytdi.
Bu natijaga erishganimdan xursandman. Endi kumirim Krishtianuning natijasini yagilashga harakat qilaman. Lekin bular shunchaki raqamlar xolos. Gollar urish muhim, lekin agar La Liga, Qirol Kubogi va Chempionlar Ligasi yutmasak, hech narsaga arzimaydi Agar men Ronaldo va Krishtianudan ko‘proq gol ursam ham, bu meni ulardan yaxshi qiladi degani emas. Muhimi – jamoaga yordam berish va sovrin yutish, dedi Mbappe Real Madrid TVga bergan intervyusida.
Endi fransiyalik futbolchi Krishtianu Ronalduning qayd etgan natijani yangilashga harakat qiladi. Portugal hujumchisi Madriddagi ilk mavsumda 33 ta gol urgan. Mavsum tugashiga ancha vaqt bor va Mbappe yana 2 ta gol ursa, ushbu natijani yangilashi mumkin.
Ma’lumot uchun, Kilian joriy mavsum “Real” tarkibida 41 uchrashuvda maydonga tushib, 31 ta gol va 4 assist muallifiga aylangan.
Izoh (0)