Saudiya Pro Ligasi rasmiy vakili “Real” futbolchisi Vinisius Junior bilan muzokara olib borilmagani haqida bayonot berdi. Bu haqda Goal.com nashri xabar berdi.
Unga ko‘ra, Saudiya klublari futbolchini qo‘lga kiritishga harakat qilayotgan bo‘lsa-da, liga rasmiylari bunday transferlarga aralashmaydi.
Avvalroq Saudiya klublari 24 yoshli braziliyalik vinger bilan uchrashgani va unga 1 mlrd yevrolik shartnoma taklif qilgani haqida xabarlar tarqalgan edi. Ammo keyinchalik bu transfer amalga oshmadi.
Saudiya Pro Ligasi marketing kommunikatsiyalari bo‘yicha bosh menejeri Muhammad Basravi bu borada Marca nashriga quyidagilarni bildirgan:
“Bu nozik masala. Ochiq aytsam, liga sifatida biz klublarning transferlari bo‘yicha shug‘ullanmaymiz. Vinisiusni Saudiya Arabistonida ko‘rishni xohlarmidik? Albatta. Ammo biz transferlarga aralasholmaymiz, bular klublarning shaxsiy ishi”
Ma’lumot uchun, Vinisius Juniorning “Real Madrid” bilan shartnomasi 2027-yilgacha amal qiladi. Futbolchi joriy mavsumni La Liga va Chempionlar Ligasi kabi turnirlar g‘olibi sifatida yakunlashni maqsad qilgan. Vinger shundan keyingina o‘z kelajagi haqida o‘ylab ko‘rishi mumkinligi aytilmoqda.
Izoh (0)