“Real Madrid” yarim himoyachisi Luka Modrich Ispaniya Superkubogi finalida “Barselona”dan uchralgan mag‘lubiyatdan so‘ng fikrlarini bildirib o‘tdi.
Taʼkidlash lozim, Luka mazkur bahsdan so‘ng intervyu bergan “Real”dagi yagona futbolchi bo‘ldi.
“Asosiy raqibingiz ikki o‘yinda 9 ta gol ursa, uyat. O‘ylaymanki, biz javob beramiz. Men bunga aminman. O‘yin bunday bo‘ladi deb o‘ylamagandik va muxlislarga ham, o‘zimizga ham achinyapmiz. Hozir birlashishimiz va ishlashimiz kerak. Ishonchim komilki, ushbu mavsum xursand bo‘lish uchun juda ko‘p sabablar bo‘ladi va hali hammasi oldinda.
Bu – futbol, g‘alaba va mag‘lubiyat birga yuradi. Bu safar yutqazdik. Mag‘lubiyat har doim yoqimsiz, lekin finallardan biridagi mag‘lubiyatni tanlash kerak bo‘lsa, u holda Superkubok bo‘la qolsin. “Barselona”ni tabriklash kerak, ular yaxshiroq edi. Shu xolos”, – deydi xorvatiyalik futbolchi.
Avvalroq “Real” bosh murabbiyi Karlo Anchelotti “Barselona”ga qarshi o‘yinda jamoa nega mag‘lubiyatga uchraganini aytgandi.
Izoh (0)