Оёқларимиз кундалик ҳаракатларимиз учун асосий таянч бўлса-да, уларнинг саломатлиги кўпинча эътибордан четда қолади. Қуйида оёқларингизни соғлом ва чиройли сақлаш учун дарҳол воз кечишингиз керак бўлган одатлар ҳақида сўз боради.
Оёқлар зўриқиши
Фитнесга бўлган муҳаббат яхши, лекин мувозанатни сақлаш муҳим. Агар сиз кўп оёқ учун мўлжалланган ҳаракатлар — оёқ кўтариш, чўмилиш, сакраш ва бошқа машқларни бажарсангиз, мушаклар тикланиши учун вақт кераклигини унутманг. Зўриқиш мушакларнинг ҳаддан ташқари ўсишига олиб келиши мумкин. Бу эса тананинг табиий пропорция ларини бузади. Натижада оёқларингиз нозик кўринишини йўқотади.
Чўзилиш учун куч машқлари
Соғлом оёқлар учун мослашувчанлик муҳим омил ҳисобланади, шунинг учун мувозанатли машғулотлар, аввало, эгилишлар ва чўмилишларни ўз ичига олиши керак. Агар юқорида санаб ўтилган услублар сизга ёқмаса, ёга, пилатес ёки тайчи билан шуғулланишни ўйлаб кўринг. Бу машғулотлар жароҳатлардан сақлайди, қон айланишини яхшилайди ва танага енгиллик беради.
Зўриқтирувчи машқлар
Югуриш, сакраш, арқон билан сакраш — бутун организм саломатлиги учун ажойиб машқлар. Аммо меъёрни билган ҳолда бажарилса яхши; ортиқча ёки нотўғри бажарилиши суяклар ва бўғимларга зарар етказиши мумкин. Дастлаб хатолардан қочиш учун мураббий назорати остида шуғулланиш маъқул. Ва, албатта, танаффус қилишни унутманг — оёқлар, бошқа органлар сингари, тикланишга вақт талаб қилади.
Оғриқни эътиборсиз қолдириш
Кўпчилик интенсив машғулотлар пайтида оғриқни одатий ҳол деб ҳисоблайди. Мушакларда тарангликни ҳис қилиш бу яхши, чунки машғулот самарали ўтаётганидан далолат беради. Аммо оғриққа чидаш қатъиян мумкин эмас. Ҳар қандай оғриқ бу тананинг хавф ҳақида берган сигнали ҳисобланади. Шу сабабли машқни дарҳол тўхтатиб, мутахассисга мурожаат қилиш керак.
Носоғлом овқатланиш
Овқатланиш тартибингиз тўғридан тўғри оёқларингиз ҳолатига таъсир қилади. Бўғимлар саломатлиги учун нормал вазнни сақлаш ва организмга зарур витамин ҳамда минералларни етказиб берадиган мувозанатли овқатланиш муҳим. Носоғлом ёки номутаносиб овқатланиш бўғимларда оғриқ, яллиғланиш ва бошқа муаммоларга олиб келиши мумкин. Айниқса, вазннинг кескин ўзгариши танага зарар етказади, бу эса оёқларга ортиқча юк туширади ва жароҳат олиш хавфини оширади.
Ўтириб ишаш
Баъзи касб эгалари куннинг кўп қисмини офисда ўтириб ишлаш билан ўтказади. Аммо узоқ вақт бир жойда ўтириб ишлаш мушакларининг зўриқишига ва қон айланишининг ёмонлашишига олиб келади. Бундай муаммонинг ечими оддий: ҳар 30 дақиқада бир марта туринг, оёқларингизни енгил ҳаракатлантиринг ва оддий машқлар бажаринг. Бу нафақат қон айланишини яхшилайди, балки оёқларнинг соғлиғи ва чиройли кўринишини ҳам сақлаб қолишга ёрдам беради.
Изоҳ (0)